قازاقستان • 22 قازان، 2021

قازاقستان قىرعىزستانعا اسكەري-تەحنيكالىق كومەك كورسەتەدى

228 رەت كورسەتىلدى

قر قورعانىس مينيسترلىگى «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى ورتالىق ازيا ءوڭىرىنىڭ قاۋىپسىزدىگىن قامتاماسىز ەتۋدە اسكەري-تەحنيكالىق جاردەم كورسەتۋ تۋرالى كەلىسىمگە قول قويۋ تۋرالى» ۇكىمەت قاۋلىسىنىڭ جوباسىن دايىندادى، دەپ حابارلايدى Egemen.kz.

«ورتالىق ازيا ءوڭىرىنىڭ قاۋىپسىزدىگى مەن قورعانىس الەۋەتىن قامتاماسىز ەتۋ ماقساتىندا قازاقستان تاراپى قىرعىز تاراپىنا اسكەري م ۇلىكتى وتەۋسىز بەرۋ تۇرىندە اسكەري-تەحنيكالىق جاردەم كورسەتەدى. اسكەري م ۇلىكتىڭ اتاۋلارى مەن كولەمدەرىن تاراپتاردىڭ ۋاكىلەتتى ورگاندارى وسى كەلىسىمگە قول قويىلعاننان كەيىن 2 اي مەرزىمدە ديپلوماتيالىق ارنالار ارقىلى كەلىسەدى»، دەلىنگەن قۇجاتتا.

قازاقستان قىرعىزستانعا قانداي اسكەري م ۇلىك تاپسىراتىنى كورسەتىلمەدى.

بىراق قىرعىز تاراپى قازاقستاننان الىنعان اسكەري م ۇلىكتى تەك وسى كەلىسىمنىڭ ماقساتتارى ءۇشىن پايدالانادى، تاۋەلسىز مەملەكەتتەر دوستاستىعىنا قاتىسۋشى مەملەكەتتەرگە قارسى پايدالانبايدى.

بۇل رەتتە قازاقستان تاراپى اسكەري م ۇلىكتى قازاقستان رەسپۋبليكاسىنىڭ اۋماعىنان قىرعىز رەسپۋبليكاسىنىڭ اۋماعىنا اۆتوموبيل كولىگىمەن جەتكىزۋدى قامتاماسىز ەتەدى، وندا تاراپتاردىڭ ۋاكىلەتتى ورگاندارى تاعايىنداعان وكىلدەر اكتىنى رەسىمدەي وتىرىپ، اسكەري م ۇلىكتى قابىلداۋ-بەرۋدى جۇرگىزەدى.

قوي-تاش ەلدى مەكەنىنە دەيىنگى كولىك شىعىستارىن قازاقستان تاراپى تولەيدى.

كەلىسىمدى ىسكە اسىرۋ قر قورعانىس مينيسترلىگىنە رەسپۋبليكالىق بيۋدجەتتە «قازاقستان رەسپۋبليكاسى قارۋلى كۇشتەرىنىڭ جاۋىنگەرلىك، جۇمىلدىرۋ ازىرلىگىن قامتاماسىز ەتۋ» باعدارلاماسى بويىنشا كوزدەلگەن قاراجات شەگىندە جۇزەگە اسىرىلاتىن بولادى»، دەلىنگەن قۇجاتتا.

كەلىسىم جوباسى 5 قاراشاعا دەيىن «اشىق نقا» سايتىندا جاريا تالقىلاۋ ءۇشىن ورنالاستىرىلعان.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار