ايماقتار • 22 قازان، 2021

الماتىدا زاڭسىز جۇمىس ىستەگەن تاجىكستان ازاماتتارى ۇستالدى

57 رەت كورسەتىلدى

الماتىدا «ميگرانت» جەدەل-الدىن الۋ ءىس-شاراسى اياسىندا قالادا زاڭسىز تۇرىپ كەلگەن تاجىكستان رەسپۋبليكاسىنىڭ 12 ازاماتى انىقتالدى، دەپ حابارلايدى Egemen.kz.

ولار قىركۇيەك ايىندا شىعىس قازاقستان وبلىسى اقتوعاي كەنتىندە ەلەكتر ستانتسياسىن سالۋ ءۇشىن قازاقستانعا كەلگەن. سودان باستاپ ەل اۋماعىندا بەلگىلەنگەن مەرزىمنەن ارتىق، ىشكى ىستەر ورگاندارىندا تىركەۋسىز جۇرگەن.

«تەكسەرۋ كەزىندە تاجىكستاننىڭ 6 ازاماتىندا جەكە باسىن كۋالاندىراتىن قۇجاتتارى بولعان جوق، ولار وزدەرىنىڭ كىم ەكەنىن انىقتاۋ ءۇشىن قابىلداۋ-تاراتۋ ورنىنا ورنالاستىرىلدى.

كوشى-قون زاڭناماسىن بۇزعانى ءۇشىن تاعى 6 ادام قر اقبتك-ءنىڭ 517-بابىنىڭ 4-بولىگى بويىنشا اكىمشىلىك جاۋاپقا تارتىلدى. شەتەلدىكتەر تۇرعان تۇرعىن ءۇي-جايدىڭ يەسى قر اقبتك-ءنىڭ 493-بابى جانە 518-بابىنىڭ 2-بولىگى بويىنشا جاۋاپقا تارتىلدى. سونداي-اق، قر اقبتك – ءنىڭ 519-بابىنىڭ 1-بولىگى نورمالارىن بۇزعان جۇمىس بەرۋشى دە جازالاندى»، دەدى الماتى قالاسى پوليتسيا دەپارتامەنتى كوشى-قون قىزمەتى باسقارماسى باستىعىنىڭ ورىنباسارى گەننادي مەن.

سونىمەن قاتار، الماتى قالاسى المالى اۋدانىنداعى تۇرعىن ءۇي كەشەنىندە تاجىكستاننىڭ 10 ازاماتى زاڭسىز تۇراتىنى انىقتالدى. ولاردىڭ ەكەۋىندە قۇجاتتارى بولعان جوق، ولاردىڭ كىم ەكەنىن انىقتاۋ ءۇشىن قابىلداۋ-تاراتۋ ورنىنا جىبەرىلدى. ال 6 شەتەلدىككە قاتىستى قر اقبتك-ءنىڭ 517-بابى 5-بولىگى بويىنشا اكىمشىلىك حاتتامالار تولتىرىلدى.

ماتەريالدار اكىمشىلىك قۇقىق بۇزۋشىلىق بويىنشا ارناۋلى اۋدانارالىق سوتىنا جىبەرىلەتىن بولادى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار