الەم • 22 قازان، 2021

ىستامبۇلدا تۇركى كەڭەسىنىڭ مەديا فورۋمى باستالدى

282 رەت كورسەتىلدى

تۇركيادا 22-24 قازان ارالىعىندا ىستامبۇلدا وتەتىن تۇركى كەڭەسىنىڭ «تۇعىرلى تاريحى بار جارقىن بولاشاق» تاقىرىبىنداعى مەديا فورۋمى باستالدى، دەپ حابارلايدى Egemen.kz اقدم ءباسپاسوز قىزمەتىنە سىلتەمە جاساپ.

تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان قاتىسۋشىلارعا بەينەجولداۋدا مەديا فورۋمنىڭ بارلىق قاتىسۋشىلارىنا ساتتىلىك تىلەدى.
 
تۇركى كەڭەسىنىڭ باس حاتشىسى باعداد امىرەەۆ مەديا فورۋمنىڭ جۇمىسىن اشىپ، ءوزىنىڭ سوزىندە فورۋم تاقىرىبى ورتاق تامىرى بار جانە ءتۇرلى سالالارداعى ءوزارا ءتيىمدى ىنتىماقتاستىق ءۇشىن ۇلكەن پەرسپەكتيۆالارى بار تۇركى الەمىنىڭ بارلىق ەلدەرى ءۇشىن وزەكتى ەكەنىن اتاپ ءوتتى.
د
 
قازاقستاندىق دەلەگاتسيانى اقپارات جانە قوعامدىق دامۋ ۆيتسە-ءمينيسترى كەمەلبەك ويشىباەۆ باستاپ بارىپ وتىر.
 
جالپى، مەديا فورۋم جۇمىسىنا تۇركى كەڭەسىنە مۇشە قازاقستان، تۇركيا، ازەربايجان، قىرعىزستان، وزبەكستان، باقىلاۋشى ەل - ماجارستان، سونداي-اق تۇركىمەنستان ەلدەرىنەن 350-دەن استام ادام قاتىسۋدا، ولاردىڭ قاتارىندا جەتەكشى باق وكىلدەرى، عىلىم جانە مادەنيەت قايراتكەرلەرى، كينويندۋستريا، مەملەكەتتىك ورگانداردىڭ وكىلدەرى، بەلگىلى بلوگەرلەر مەن كوممۋنيكاتسيا فاكۋلتەتتەرىنىڭ ستۋدەنتتەرى بار.
 
فورۋمدا كينويندۋستريا جانە باق سالاسىنداعى ىنتىماقتاستىقتى دامىتۋ مۇمكىندىكتەرى، سونداي-اق دەزينفورماتسياعا، ونىڭ ىشىندە الەۋمەتتىك جەلىلەرگە قارسى بىرلەسكەن كۇرەس تالقىلانادى.
سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار