ءبىلىم • 22 قازان، 2021

«تسيفرلى ساۋاتتىلىق» ءپانى وقىتىلادى

87 رەت كورسەتىلدى

الداعى جاڭا 2022 جىلدىڭ قاڭتار ايىنان باس­تاپ ءبىرىنشى سىنىپ وقۋشىلارىنا جاڭا ءپان وقىتىلادى. ءبىلىم جانە عىلىم مينيسترلىگىنىڭ دەرەگىنە سۇيەنسەك، بۇل بالالاردىڭ تسيفرلى ساۋاتىن اشۋ ماقساتىندا وقۋ باعدارلاماسىنا ەنگىزىلگەن.

«تسيفرلى ساۋاتتىلىق» ءپانى وسى وقۋ جىلىنىڭ ءۇشىنشى توقسانىندا وقۋ باعدارلاماسىنا العاش رەت ەنگىزىلەدى. نەگىزى مۇنداي باعىتتاعى ءپان باستاۋىش سىنىپتىڭ وقۋ باعدارلاماسىندا بۇرىننان بار. «اقپاراتتىق-كوممۋنيكاتسيالىق تەحنولوگيالار» ءپانى بۇعان دەيىن وقۋشىلارعا ءۇشىنشى سىنىپتان باستاپ وقىتىلاتىن. مۇنداي وزگەرىستى ءتيىستى مينيسترلىك جانىنداعى مەكتەپكە دەيىنگى جانە ورتا ءبىلىم كوميتەتىنىڭ ءتورايىمى گۇلميرا كارىموۆا جاڭا زامانداعى وزگەرىستەردىڭ تالابىنان تۋىپ وتىرعانىن جەتكىزدى.

«وقۋ باعدارلاماسى سۇرانىس پەن ۋاقىت تالاپتارىنا سايكەس بولۋى ءتيىس. تسيفرلى الەمنىڭ قارقىندى دامىپ جاتقانىن كورىپ وتىرمىز. قازىر سمارتفوندار مەن كومپيۋتەرلەردى مەكتەپكە دەيىنگى بالالار دا پايدالانادى. تسيفرلى ساۋاتتىلىق – وقۋ مەن جازۋ سياقتى نەگىزگى داعدىلاردىڭ بىرىنە اينالىپ كەلەدى. سوندىقتان بالالاردى تسيفرلى ساۋاتتىلىق جانە اقپاراتتىق قاۋىپسىزدىك نەگىزدەرىنە مۇمكىندىگىنشە ەرتەرەك ۇيرەتۋ ماڭىزدى. البەتتە، جاڭا ءپاندى وقىتۋ بارىسىندا بالالاردىڭ جاس ەرەكشەلىكتەرى دە ەسكەرىلەدى»، دەدى گ.كارىموۆا.

وسىعان وراي 4-سىنىپقا ارنالعان «اقپاراتتىق-كوممۋنيكاتسيالىق تەحنولوگيالار» جانە 5-11 سىنىپتارعا ارنالعان «ينفورماتيكا» پاندەرى بويىنشا وقۋ باعدارلامالارى قايتا قارالعان. جاڭاشىلدىقتار بالالاردىڭ اقپاراتتىق تەحنولوگيالار سالاسىندا ساپالى ءبىلىم الۋىنا باعىتتالىپ وتىر. ايتالىق، مەكتەپ باعدارلاماسى شەڭبەرىندە ەڭ تانىمال Python باعدارلامالاۋ ءتىلى وقىتىلماق. 5-9 سىنىپ وقۋشىلارى 3D-مودەلدەۋ مەن 3D-پرينتينگ بويىنشا ءبىلىم الادى. ال 10-11 سىنىپتارداعى «ينفورماتيكا» ءپانى بويىنشا ۇلگىلىك وقۋ باعدارلاماسىندا IT-STARTUP، ۆيرتۋالدى جانە تولىقتىرىلعان شىنايىلىق، جاساندى ينتەللەكت، ءموبيلدى قوسىمشالاردى ازىرلەۋ، BigData جانە تاعى باسقا تاقىرىپتار بار. بۇعان قوسا بارلىق سىنىپتىڭ وقۋ باعدارلامالارىنا ينتەرنەت جەلىسىندەگى قاۋىپسىزدىك ەرەجەلەرى، اۆتورلىق قۇقىق تۋرالى تاقىرىپتار ەنگىزىلگەن.

سوڭعى جاڭالىقتار

ءابىلحان كاسىپقوي بوكسقا اۋىستى ما؟

كاسىپقوي بوكس • بۇگىن، 12:39

7361 تۋريست ەلگە ورالدى

قوعام • بۇگىن، 12:20

رەزەرۆتە قانشا دارىگەر بار؟

كوروناۆيرۋس • بۇگىن، 12:16

ەلدە شەكتەۋ شارالارى كۇشەيتىلدى

كوروناۆيرۋس • بۇگىن، 11:45

قانات يسلام رەيتينگتە تومەندەدى

كاسىپقوي بوكس • بۇگىن، 10:30

«سارى» ايماقتا جالعىز-اق ءوڭىر قالدى

كوروناۆيرۋس • بۇگىن، 09:56

ۇقساس جاڭالىقتار