«Classic» راديوسى استانا قالاسىنان 102,7 اۋە تولقىنىندا حابار تاراتادى

«Classic» راديوسىنان ءارتۇرلى باعىتتاعى كلاسسيكالىق مۋزىكانى تىڭداۋعا بولادى. 2012 جىل­دان باستاپ راديوستانسا ءوز تىڭ­دارماندارىنا مۋزىكالىق ءبىلىم بەرۋ باعىتىندا جاڭا باعدارلامالار ۇسىنا باستادى. بۇگىندە 102,7 اۋە تولقىنىندا 9 جوبا جارىققا شىقتى: «كينوبليۋز», «دجازتايم», «ديا­لوگ», «وپەرا الەمىنىڭ ءىنجۋ-مارجاندارى», «مۋزىكالىق كۇن­دەلىك», «مۋزىكالىق وديس­سەيا», «گراني», «رەتسەنزيا», «كلاس­سيكومانيا». بىلتىر قاراشا ايىندا «Classic» راديوسىنىڭ «كلاس­سيكومانيا» باعدارلاماسى «AIBs Inspiring Creativity Awards» حا­لىقارالىق تەلەراديو حابارلارىن تاراتۋ اسسوتسيا­تسياسى ۇيىم­داستىرعان بايقاۋدا «ۇزدىك شىعار­ماشىلىق راديوباعدارلاما» نوميناتسياسى بويىنشا ارنايى سىيلىققا يە بولدى. «Classic» راديوستانساسى – «قا­زاقستان» رەسپۋبليكالىق تەلەرا­ديوكورپوراتسياسى مەن قۇر­مان­عازى اتىنداعى قازاق ۇلتتىق كونسەرۆاتورياسىنىڭ بىرلەسكەن جوباسى. جوبانىڭ يدەيالىق اۆتورى – قۇرمانعازى اتىنداعى قۇك رەكتورى, قازاقستان رەس­پۋبليكاسىنىڭ حالىق ءارتىسى ءجانيا اۋباكىروۆا. «Classic» راديوسى — العاش رەت 2011 جىلدىڭ 6 ماۋسىمىنان باستاپ حابار تاراتا باستاعان تۇڭعىش كلاسسيكالىق مۋزىكا راديوستانساسى. ونىڭ نەگىزگى باعىتى – ءتۇرلى جانرلار مەن ۇلتتىق مەكتەپتەردىڭ اكادەميالىق مۋزىكاسىن تاراتۋ. الماتى قالاسىندا FM-جيىلىگى – 102,8. «قازاقستان» رترك» اق قۇرا­مىنا «قازاقستان» ۇلتتىق تەلەارناسى, «KAZsport», «بالاپان» تەلەارنالارى, «قازاق» راديوسى, «استانا», «شالقار» جانە «Classic» راديولارى كىرەدى.