حالىقارالىق قۇقىقتاعى بەلدى ويىنشىلار

قازاقستانداعى  ديپلوما­تيا­لىق ميسسياسىنىڭ اياقتالۋىنا بايلانىستى كەشە ەقىۇ-نىڭ ءىس باسىنداعى توراعاسى, ەلىمىزدىڭ  مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ءازىربايجان ەلشىسى لياتيف سەيفەددينوعلى گانديلوۆتى قابىلدادى. كەزدەسۋ كەزىندە ل.گانديلوۆ ەكى ەل ەنەرەگەتيكا سالاسىنداعى قارىم-قاتىناستارىن تابىستى دامىتىپ كەلە جاتقانىن اتاپ كورسەتتى. ءازىربايجان مەن قازاق­ستان ءوز وڭىرلەرىندەگى ماڭىزدى كوشباسشىلار بولىپ سانالادى. ەكى مەملەكەت تە ەۋروپانىڭ ەنەر­گەتيكالىق قاۋىپسىزدىگىنە بەلسەندى قاتىسۋ ۇستىندە. وسىنداي اۋقىمدى جۇمىستاردى اتقارۋ قازاقستان مەن ءازىربايجان حالىقتارىنىڭ ۇلە­سى­نە ءتيىپ وتىر. ءازىربايجان مەن قا­زاق­ستان قازىرگى تاڭدا ءوز ءوڭىر­لە­رىندە بەيبىتشىلىك ورناتۋعا بەل­سەن­دى قاتىسىپ كەلەدى. ەكى ەل حالىق­ارالىق قۇقىقتىڭ بەلدى ويىن­شىلارى بولىپ تابىلادى”, دەدى ل. گانديلوۆ ويىن ساباقتاي كەلىپ. ەلشى, سونىمەن قاتار, قازاق­ستان­دا قىزمەت ىستەگەن جىلدارى ەلىمىزدىڭ تولايىم تابىستارعا جەتكەنىنىڭ كۋاگەرى بولعانىن اتاپ ايتتى. وسى رەتتە ول  قازاقستاندا قىزمەت ىستەگەن جىلدارىن عۇمىر بويى ۇمىتپايتىنىن ەرەكشە اتا­دى. ونىڭ ايتۋىنشا, ءوزى قاي  جەر­دە جۇمىس ىستەسە دە, ەكى ەل ارا­سىنداعى قارىم-قاتىناستى بۇدان دا جاقسارتا تۇسۋگە ۇمتىلاتىن بولادى. جاقسىباي سامرات.