فۋتبول • 22 قازان، 2021

«قايرات» ەكى ويىندا قاتارىنان جەڭىلدى

72 رەت كورسەتىلدى

كونفەرەنتسيا ليگاسىنىڭ توپتىق كەزەڭىندە سىنعا ءتۇسىپ جاتقان الماتىنىڭ «قايرات» فۋتبول كلۋبى ءۇشىنشى تۋردى تۇزدە ازەربايجاننىڭ «قاراباح» كومانداسىنا قارسى وتكىزدى. توپتىق كەزەڭدە جەڭىستىڭ ءدامىن تاتىپ كورمەگەندە الماتىلىقتار بۇل كەزدەسۋدە ءۇش ۇپاي يەلەنۋگە تىم جاقىن تۇردى، دەپ جازادى Egemen.kz.

كەزدەسۋدىڭ 19 مينۋتىندا «قايراتتىڭ» جەيدەسىن كيگەن حوسە كونتە پەنالتيدەن ەسەپ اشىپ، قوناقتاردى العا شىعاردى. تابلوداعى وسى ناتيجە ويىننىڭ 79 مينۋتىنا دەيىن ساقتالدى. ال سول 79 مينۋتتا «قاراباح» فۋتبولشىسى راميل شەيداەۆ تارازى باسىن تەڭەستىرسە، تورەشى قوسقان قوسىمشا ۋاقىتتا ابباس گۋسەينوۆ الاڭ قوجايىندارىنا جەڭىس سىيلادى.

ءۇش تۋردان كەيىن بار بولعانى ءبىر ۇپاي ەنشىلەگەن «قايرات» تۋرنير كەستەسىندە ءۇشىنشى ورىنعا ورنىققان. ولار تەك دوپ ايىرماسىمەن عانا كيپرلىك «ومونيادان» الدا تۇر.  

سوڭعى جاڭالىقتار

ۇقساس جاڭالىقتار