الەم • 21 قازان، 2021

رەسەيدە كۆي-ءدىڭ ورشۋىنە بايلانىستى ءبىر اپتالىق دەمالىس جاريالاندى

2615 رەت كورسەتىلدى

رەسەيدە كوروناۆيرۋس اۋرۋشاڭدىعىنان بولاتىن ءولىم-ءجىتىمنىڭ كۇرت وسۋىنە بايلانىستى جۇمىس ىستەمەيتىن اپتا جاريالاندى، دەپ جازادى Egemen.kz.

كۇنىنە ءولىم-ءجىتىم 1000 جاعدايدان اسادى. COVID-19 قۇرباندارىنىڭ جالپى سانى 225 325 ادامعا جەتتى. رەسەيلىكتەر 30 قازاننان 07 قاراشاعا دەيىن دەمالادى. بۇل رەتتە جالاقى ساقتالادى. 

بىراق ماسكەۋ مەرى ۆاكتسيناتسيالانباعاندار ءۇشىن ء«ۇي رەجيمىن» ەنگىزۋ تۋرالى شەشىم قابىلدادى. 60 جاستان اسقان ماسكەۋلىكتەر، سونداي-اق سوزىلمالى اۋرۋلارمەن اۋىراتىندار وسى جىلدىڭ 25 قازانىنان 2022 جىلدىڭ 25 اقپانىنا دەيىن ۇيدە بولۋى كەرەك. بۇل تالاپ سوڭعى التى ايدا كوروناۆيرۋسپەن اۋىرعاندارعا، قارت ادامدارعا جانە ۆاكتسينا العاندارعا قاتىسى جوق.

ال ددۇ كوروناۆيرۋسقا قارسى كۇرەس اياسىندا كەدەي ەلدەرگە كومەك كورسەتۋ باعدارلامالارىن ازىرلەۋدە. ولار ۆاكتسينالار، تەستتەر جانە پرەپاراتتاردى قولجەتىمدى باعامەن قامتاماسىز ەتۋگە قاتىستى. ءۇشىنشى ەلدەرگە SARS-CoV-2 ءۇشىن 1 ميلليارد تەست، سونداي-اق اۋرۋدىڭ جەڭىل اعىمى بار ادامداردى ەمدەۋگە ارنالعان ءدارى-دارمەكتەردى جەتكىزۋ جوباسى ازىرلەندى. 

قۇجات G20 ەلدەرىنىڭ باسشىلارىنا قازان ايىنىڭ سوڭىندا ريمدەگى سامميت قارساڭىندا ۇسىنىلۋى ءتيىس. ددۇ G20 جانە باسقا دونورلاردان 2022 جىلدىڭ قىركۇيەگىنە قاراي 22،8 ملرد دوللار كولەمىندە قوسىمشا قاراجات ءبولۋدى سۇراماق دەپ بولجانۋدا.

سوڭعى جاڭالىقتار

بۇعىبۇلاۋ

قازاقستان • كەشە

جۇزە ءبىلۋ – ءومىر

قوعام • كەشە

ولكەتانۋشى

قازاقستان • كەشە

كەبەنەك

تاريح • كەشە

ساۋكەلە

ونەر • كەشە

ۇقساس جاڭالىقتار