قازاقستان • 21 قازان، 2021

قازاقستان وسىمدىك وسىرۋشىلەرىنىڭ العاشقى رەسپۋبليكالىق سلەتى ءوتتى

84 رەت كورسەتىلدى

بۇگىن ەلىمىزدىڭ بارلىق وڭىرلەرىنەن سالانىڭ جەتەكشى ماماندارىنىڭ قاتىسۋىمەن قازاقستاننىڭ وسىمدىك وسىرۋشىلەرىنىڭ العاشقى رەسپۋبليكالىق سلەتى ءوتتى، دەپ حابارلايدى Egemen.kz.

ءىس-شاراعا اۋىل شارۋاشىلىعى ءمينيسترى ەربول قاراشوكەەۆ، پارلامەنت ءماجىلىسىنىڭ دەپۋتاتتارى، بيزنەس جانە ازاماتتىق قوعام وكىلدەرى قاتىستى.

ءوزىنىڭ قۇتتىقتاۋ سوزىندە ۆەدومستۆو باسشىسى اگراري ەڭبەگىنىڭ ارقاسىندا بۇگىندە 16 ملن توننا استىق پەن ءداندى-بۇرشاقتى داقىل جينالعانىن، بۇل ەلدى تولىق قامتاماسىز ەتۋگە، سونداي-اق ەكسپورت نارىعىنداعى ءوز پوزيتسيامىزدى ساقتاۋعا مۇمكىندىك بەرەتىنىن اتاپ ءوتتى.

ء«بىز بۇگىن سىزدەرگە قۇرمەت كورسەتىپ، ءوندىرىس وزاتتارىنىڭ سلەتتەرىن وتكىزۋدىڭ بۇرىنعى ءداستۇرىن جاڭعىرتامىز. وسى زاماناۋي كورمە كەشەنىندە «رۋحاني جاڭعىرۋ» باعدارلاماسى اياسىندا وسىمدىك شارۋاشىلىعىنىڭ وزىق ماماندارىنىڭ سلەتىن وتكىزىپ وتىرمىز. ءبىرىنشى سلەتتىڭ بۇكىل حالىق ءۇشىن مەرەيلى جىل – قازاقستان تاۋەلسىزدىگىنىڭ 30 جىلدىعىن مەرەكەلەۋ جىلىندا ءوتىپ جاتقانى قۋانىشتى»، دەدى مينيستر.

ن

 

بيىل وتاندىق ءوندىرىس تەحنيكاسىن ساتىپ الۋ كەزىندە ينۆەستيتسيالىق سۋبسيديا 30%-عا دەيىن ۇلعايتىلدى. وزدىگىنەن جۇرەتىن بۇرىككىشتەردى، جەمشوپ جينايتىن كومباينداردى، قىزىلشا جينايتىن تەحنيكانى ساتىپ الۋ كەزىندە، سونداي-اق كووپەراتيۆتەردىڭ تەحنيكانى ساتىپ الۋ كەزىندە 50% ينۆەستيتسيالىق سۋبسيديا قولدانىلادى.

شارا بارىسىندا ەربول قاراشوكەەۆ اگروونەركاسىپتىك كەشەننىڭ دامۋىنا ەلەۋلى ۇلەس قوسقان سالا وكىلدەرىن اۋىل شارۋاشىلىعى مينيسترلىگىنىڭ قۇرمەت گراموتالارىمەن ماراپاتتاپ، ۆەدومستۆولىق ناگرادالارىن تابىستادى.

ر

 

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار