«ەلىمىزدىڭ شىعارماشىلىق الەۋەتىن تىكەلەي قولداۋ ارقىلى وتاندىق مادەني ونىمدەردى ءوندىرۋ جۇيەسى قۇرىلادى, ونىڭ ىشىندە كينوپروكاتتاعى وتاندىق فيلمدەردىڭ ۇلەسىن 25%-عا دەيىن ارتتىرۋ, «قازاقانيماتسيا» شىعارماشىلىق بىرلەستىگى بازاسىندا 40-قا جۋىق انيماتسيالىق فيلم شىعارۋ, سونداي-اق, شىعارماشىلىق كەلەشەگى زور تالانتتى تۇلعالاردىڭ 150 جوباسىن قولداۋ», دەدى ايدا بالاەۆا وكق-دا وتكەن ءباسپاسوز كونفەرەنتسياسىندا.
سونداي-اق, مينيستر «ە-culture.kz», بىرىڭعاي ەلەكتروندىق پلاتفورما جوباسى تۋرالى ايتتى, ول وتاندىق مادەنيەتتىڭ بارلىق جەتىستىكتەرىنە ەركىن رەجيمدە ونلاين-قول جەتكىزۋگە مۇمكىندىك بەرەدى.
«مىسالى, جەر شارىنىڭ كەز كەلگەن نۇكتەسىنەن ۇيدەن شىقپاي, ءبىزدىڭ مۇراجاي مەن تەاترلارعا, كىتاپحانالارعا جانە باسقا دا مادەني كورىكتى جەرلەرگە بارۋعا بولادى», دەپ اتاپ ءوتتى ۆەدومستۆو باسشىسى.
