شقو اقپارات ورتالىعىنىڭ مالىمەتىنشە, جاڭا «بوتانيكا» شاعىن اۋدانىندا 32 ءۇي سالىندى. وسىدان ەكى جارىم اي بۇرىن ءۇيى وتقا ورانعان ازاماتتار بۇگىندە جاڭا باسپاناسىنىڭ كىلتىن الىپ وتىر.
ء«وڭىردىڭ قۇرىلىس كومپانيالارى ۇيلەردى قىسقا مەرزىم ىشىندە سالىپ ءبىتتى. ولاردىڭ ارقايسىسىندا زاماناۋي جىلىتۋ پەشتەرى مەن اس ءۇي جيھازدارى ورناتىلعان. بىزگە كومەك كورسەتكەن بارلىق ادامعا ۇلكەن راحمەت ايتقىم كەلەدى», دەيدى ورمان ورتىنەن زارداپ شەككەندەردىڭ ءبىرى اننا يسەنەۆا.
قۇرىلىس كومپانيالارى بالالار مەن سپورت الاڭدارىن, ونىڭ ىشىندە فۋتبول الاڭىن دا سالعان. ورتالىق جارىقتاندىرۋ, ۇيلەرگە اسفالتتالعان جول جۇرگىزىلدى. اۆتوبۋس ايالدامالارى دا ورناتىلدى. جاڭا شاعىن اۋدانعا ەكى كوپبالالى وتباسى قونىستانعان. شاعىن اۋداننىڭ قۇرىلىسى الداعى ۋاقىتتا دا جالعاسادى. جوسپار بويىنشا بيىل تاعى 110 ءۇي سالۋ ءۇشىن ۋچاسكەلەر بولىنبەك.
ەستەرىڭىزگە سالا كەتسەك, بيىلعى 10 مامىردا شقو-داعى ريددەر ورمان شارۋاشىلىعىندا ءورت شىقتى. دالا ءورتى 310 گەكتار اۋماقتى شارپىپ, 1 ادام قازا تاپتى.
