پارلامەنت • 21 قازان، 2021

سەناتورلار قارۋ-جاراقتى ساقتاۋ بويىنشا زاڭناماعا تۇزەتۋلەر ەنگىزدى

32 رەت كورسەتىلدى

پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك ساتىپ الۋ، جەر قويناۋىن پايدالانۋشىلار مەن تابيعي مونوپوليالار سۋبەكتىلەرىنىڭ ساتىپ الۋى، بايلانىس، اۆتوموبيل كولىگى جانە قورعانىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى جونىندە ەكىنشى وقىلىمدا تالقىلاندى. قۇجاتقا تولىقتىرۋلار ەنگىزىلگەندىكتەن، زاڭ جوباسى ماجىلىسكە قايتارىلدى، دەپ حابارلايدى Egemen.kz.

زاڭ جوباسى مەملەكەتتىك ساتىپ الۋ سالاسىنداعى زاڭنامانى ودان ءارى جەتىلدىرۋ ماقساتىندا ازىرلەنگەن. سەناتور ەدىل مامىتبەكوۆ قۇجاتتا مەملەكەتتىك ساتىپ الۋدىڭ 4 جاڭا ءتاسىلىن ەندىرۋ، ءبىر كوزدەن الۋ تاسىلىمەن مەملەكەتتىك ساتىپ الۋدى جۇزەگە اسىرۋدىڭ 4 نەگىزىن قىسقارتۋ قاراستىرىلعانىن ايتتى.

زاڭ جوباسىمەن:

- مەملەكەتتىك ساتىپ الۋدى جۇزەگە اسىرۋدىڭ مىناداي تاسىلدەرىن باسەكەلەستىككە جاتقىزۋ: كونكۋرس، اۋكتسيون، باعا ۇسىنىستارىن سۇراتۋ جانە تاۋار بيرجالارى ارقىلى;

- مەملەكەتتىك ساتىپ الۋدىڭ ۆەب-پورتالىندا ءبىر كوزدەن ساتىپ الۋ تۋرالى شەشىم قابىلداعان لاۋازىمدى ادام تۋرالى مالىمەتتەر، سونداي-اق باسەكەلەستىك ادىستەرىمەن ساتىپ الۋلاردى جۇزەگە اسىرۋدىڭ مۇمكىن بولماۋى سەبەپتەرىنىڭ نەگىزدەمەلەرى كورسەتىلگەن ءبىر كوزدەن مەملەكەتتىك ساتىپ الۋلار تۋرالى ەسەپتىڭ مىندەتتى ورنالاستىرىلۋى;

- ءبىر كوزدەن ساتىپ الۋلار بويىنشا تاپسىرىس بەرۋشىنىڭ ءبىرىنشى باسشىسىنىڭ جەكە جاۋاپكەرشىلىگى;

- تاۋارلاردىڭ ەلەكتروندىق كاتالوگى، ەلەكتروندىق دەپوزيتاري، وفتەيك-كەلىسىمشارت، فورماتتىق-لوگيكالىق باقىلاۋ، الەۋەتتى جەتكىزۋشىلەردىڭ پاسپورتتارىنىڭ بازاسى، كەلىسىم كوميسسياسى سياقتى جاڭا ۇعىمداردى ەنگىزۋ كوزدەلەدى.

زاڭ جوباسىن ماجىلىستە قاراۋ بارىسىندا جەرگىلىكتى قامتۋدى دامىتۋعا جانە قازاقستاندىق وندىرۋشىلەردى قولداۋدى قامتاماسىز ەتۋگە، اسكەري ماقساتتاعى اقپاراتتىق-كوممۋنيكاتسيالىق ينفراقۇرىلىمنىڭ بىرىڭعاي وپەراتورىن قۇرۋعا، ساتىپ الۋدىڭ قاعاز تۇرىندەگى ءتۇرىن الىپ تاستاۋعا، سونداي-اق تابيعي مونوپوليالار سۋبەكتىلەرىنىڭ ساتىپ الۋدى جۇزەگە اسىرۋىنىڭ اشىقتىعىن قامتاماسىز ەتۋگە جانە ت.ب. باعىتتالعان تۇزەتۋلەر ەنگىزىلدى.

زاڭ جوباسىن تالقىلاۋ بارىسىندا سەنات دەپۋتاتتارى زاڭ جوباسىنا وزگەرىستەر مەن تولىقتىرۋلار ەنگىزدى، ونىڭ ىشىندە: «جەر قويناۋى جانە جەر قويناۋىن پايدالانۋ تۋرالى» قر كودەكسىنە كاسىپكەرلىكتى ىنتالاندىرۋ تۋرالى كەلىسىمدى رەگلامەنتتەيتىن جاڭا باپتى جەر قويناۋىن پايدالانۋ قۇقىعى تۋرالى جالپى ەرەجەلەردى بەلگىلەيتىن 4-تاراۋدان 3-تاراۋعا كوشىرۋ بولىگىندە;

- «مەملەكەتتىك ساتىپ الۋ تۋرالى» قر زاڭىنا: ەلەكتروندىق دۇكەندى مەملەكەتتىك ساتىپ الۋدى جۇزەگە اسىرۋدىڭ باسەكەلەس تاسىلدەرىنە ەنگىزۋ; سول ءبىر قۇرىلىس وبەكتىسىندە ينجينيرينگتىك كورسەتىلەتىن قىزمەتتەردى نەمەسە قۇرىلىس-مونتاجداۋ جۇمىستارىن مەملەكەتتىك ساتىپ الۋعا قاتىسۋعا قۇقىعى جوق سۋبەكتىلەردى ناقتىلاۋ بولىگىندە;

- «قازاقستان رەسپۋبليكاسىنىڭ قورعانىسى جانە قارۋلى كۇشتەرى تۋرالى» قر زاڭىنا ودان ءارى ساقتالۋى ناقتى قاۋىپ توندىرەتىن جانە دەرەۋ جويۋدى تالاپ ەتەتىن وق-دارىلەر اينالىمىنىڭ ەرەكشەلىكتەرىنە قاتىستى نورمالارعا;

- «عىلىم تۋرالى» قر زاڭىنا، عىلىمدى قارجىلاندىرۋدىڭ جاڭا ءتۇرىن ەنگىزۋ بولىگىندە – ىرگەلى عىلىمي زەرتتەۋلەردى جۇزەگە اسىراتىن عىلىمي ۇيىمداردى قارجىلاندىرۋ;

ۇلتتىق عىلىمي كەڭەستەردىڭ شەشىمدەرىنە اپەللياتسيا بەرۋدىڭ جاڭا ينستيتۋتى – اپەللياتسيالىق كوميسسيانى ەنگىزۋ بولىگىندە; جەتەكشى عالىم ساناتىن زاڭنامالىق بەكىتۋ، سونداي-اق ونىڭ ەڭبەگىنە اقى تولەۋدى رەگلامەنتتەۋ جانە باسقا وزگەرىستەر مەن تولىقتىرۋلار ەنگىزدى.

سەنات توراعاسى ماۋلەن اشىمباەۆ قارالعان زاڭ جوباسى بىرقاتار سالاداعى قوعامدىق قارىم-قاتىناستاردى رەتتەۋگە باعىتتالعانىن اتاپ ءوتتى.

«نەگىزگى وزگەرىستەر مەملەكەتتىك ساتىپ الۋ سالاسىنداعى زاڭنامانى ودان ءارى جەتىلدىرۋدى كوزدەيدى. ونىڭ ىشىندە كونكۋرس وتكىزۋ كەزىندە سىبايلاس جەمقورلىق تاۋەكەلدەرىن بارىنشا ازايتۋعا باسا ءمان بەرىلگەن. زاڭ جوباسى مەملەكەتتىك ساتىپ الۋ راسىمدەرىن وڭايلاتىپ، ارتىق رەتتەۋدى جويۋعا جول اشادى. بۇگىن ءبىز وسى زاڭ جوباسىنا بىرقاتار تۇزەتۋلەر ەنگىزىپ، ولاردى ماجىلىسكە جىبەردىك.

سەنات قابىلداعان تۇزەتۋلەر مەملەكەت باسشىسىنىڭ بيىلعى جولداۋىندا بەلگىلەنگەن عىلىم سالاسىن ودان ءارى دامىتۋعا قاتىستى تاپسىرمانى ىسكە اسىرۋدى كوزدەيدى.

اتاپ ايتقاندا، بازالىق قارجىلاندىرۋ ارقىلى ەلىمىزدىڭ جەتەكشى عالىمدارىنا ەڭبەكاقى تولەۋ، ىرگەلى عىلىمي زەرتتەۋلەر جۇرىگىزەتىن عىلىمي ۇيىمداردى تىكەلەي قولداۋ ءۇشىن قارجىلاندارۋدىڭ جاڭا ءتۇرىن ەنگىزۋ ۇسىنىلىپ وتىر.

وعان قوسا، عىلىمي، عىلىمي-تەحنيكالىق جوبالار مەن باعدارلامالاردى قارجىلاندىرۋ مەرزىمىن 3 جىلدان 5 جىلعا دەيىن ۇلعايتۋ ۇسىنىلادى. سونىمەن قاتار، سەنات ەنگىزىپ وتىرعان تۇزەتۋلەر قارۋ-جاراقتى ساقتاۋ جانە ونى جويۋ جولدارىن رەتتەۋگە باعىتتالعان. بۇل سوڭعى ۋاقىتتا ەلىمىزدەگى قارۋ-جارىق قويمالارىندا بولعان تراگەديالىق جاعدايلار قايتالانباۋ ءۇشىن جاسالعان قادام»، دەدى م. اشىمباەۆ.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار