قوعام • 21 قازان، 2021

ەلدە 650 شەتەلدىك باسشىلىق قىزمەت اتقارادى

24 رەت كورسەتىلدى

1 قازانداعى جاعداي بويىنشا 16 190 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا جۇمىس ىستەپ ءجۇر، دەپ جازادى Egemen.kz.

«شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە مىناداي ساناتتار بار: ءبىرىنشى سانات – 650 (باسشىلار جانە ولاردىڭ ورىنباسارلارى)، ەكىنشى سانات – 3 253 (قۇرىلىمدىق بولىمشەلەردىڭ باسشىلارى). تارتىلعان شجك-ءنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 779 ادام جانە 697 ادام. سونداي-اق ماۋسىمدىق جۇمىستارعا – 1 912 ادام، ال كورپوراتيۆتىك اۋىستىرۋ شەڭبەرىندە – 1 899 ادام تارتىلعان»، دەلىنگەن حابارلامادا.

قازىرگى ۋاقىتتا قازاقستاندا شجك پايدالاناتىن 1 883 جۇمىس بەرۋشى بار. ولاردا شامامەن 479 مىڭنان استام ەل ازاماتتارى جۇمىس ىستەيدى، بۇل جالپى جۇمىسشىلار سانىنىڭ 96%-ىن قۇرايدى.

ەڭبەكشى ميگرانتتار شىعاتىن نەگىزگى ەلدەر كەلەسى: قىتاي – 3 807 ادام، وزبەكستان – 1 938 ادام، تۇركيا – 1 759 ادام، ءۇندىستان – 1 075 ادام، ۇلىبريتانيا – 962 ادام.

ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 

2021 جىلى كۆوتا مولشەرى جۇمىس كۇشىنە شاققاندا 0،31%-دى نەمەسە 29،3 مىڭ بىرلىكتى قۇرادى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار