ايماقتار • 21 قازان، 2021

سەمەيدە مۇعالىمدەردى كوشە سىپىرۋعا جىبەرگەندەر جاۋاپقا تارتىلدى

119 رەت كورسەتىلدى

سەمەيدە پەداگوگتەردى كوشە سىپىرۋعا جىبەرگەن لاۋازىمدى تۇلعالار اكىمشىلىك جاۋاپقا تارتىلدى، دەپ حابارلايدى Egemen.kz قر ءبىلىم جانە عىلىم مينيسترلىگىنىڭ ءباسپاسوز قىزمەتىنە سىلتەمە جاساپ.

سەمەي قالاسى اكىمىنىڭ ورىنباسارى د.ا. گاريكوۆكە قاتىستى تارتىپتىك شارالار قولدانۋ تۋرالى حات جولداندى.

سەمەي قالاسى ءبىلىم ءبولىمىنىڭ باسشىسى ن.ا. فەسەنكوعا قاتىستى سوگىس تۇرىندە تارتىپتىك جازا قولدانىلدى. سونداي-اق، ول اكىمشىلىك جازاعا تارتىلدى.

№ 9 وم ديرەكتورى ن.ۆ. تەگاي جانە №43 وم ديرەكتورىنىڭ م. ا. ا.ۆ. يسكرينا اكىمشىلىك جاۋاپقا تارتىلدى.

ەسكە سالا كەتسەك، الەۋمەتتىك جەلىلەردە 16 قازاندا سەمەي قالاسىنىڭ №43 مەكتەبىندە وقۋ پروتسەسىنە كەدەرگى كەلتىرىپ، مۇعالىمدەردى سەنبىلىككە كوشە سىپىرۋعا جىبەرگەنى تۋرالى جاريالانىمدار تاراعان بولاتىن.

پەداگوگتەردى قىزمەتىنەن تىس جۇمىستارعا تارتۋ، ونىڭ ۇستىنە وقۋ پروتسەسىنە كەدەرگى كەلتىرۋ «پەداگوگ مارتەبەسى تۋرالى» زاڭ تالاپتارىنا قايشى كەلەدى.

قر بعم ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ، سونداي-اق شقو ءبىلىم سالاسىندا ساپانى قامتاماسىز ەتۋ دەپارتامەنتىنىڭ قىزمەتكەرلەرى اكىمشىلىك ءىستى قارادى.

تەكسەرۋ بارىسىندا سەنبىلىككە №43 مەكتەبىنىڭ پەداگوگتەرىنەن باسقا №9 مەكتەبىنىڭ مۇعالىمدەرى دە جىبەرىلگەنى انىقتالدى.

اكىمشىلىك ءىستى قاراۋ بارىسىندا پەداگوگتەر قالانى اباتتاندىرۋ جۇمىستارىنا سەمەي قالاسى اكىمىنىڭ ورىنباسارى د.ا. گاريكوۆتىڭ حاتى نەگىزىندە شىققانى انىقتالدى. حاتتا پەداگوگتەردىڭ سەنبىلىككە تاڭعى ساعات 09:00-دە شىعۋىن قامتاماسىز ەتۋ تاپسىرىلعان. سونداي-اق، حاتتىڭ اكىم ورىنباسارىنىڭ قولى قويىلعان قوسىمشاسىنا سايكەس ءار مەكتەپكە اۋماقتى تازارتۋ جۇمىستارىن جۇرگىزۋ ءۇشىن بەلگىلى ءبىر ۋچاسكە بەرىلگەن. تاپسىرمانىڭ ورىندالۋىن باقىلاۋ اكىمدىكتەگى بولىمشەلەردىڭ بىرىنە جۇكتەلگەن.

ءبىلىم جانە عىلىم مينيسترلىگى وبلىستار مەن رەسپۋبليكالىق ماڭىزى بار قالالاردىڭ اكىمدىكتەرىنە پەداگوگتەردى پايدالانۋ جانە ولاردى قىزمەتىنەن تىس جۇمىستارعا تارتۋ بويىنشا وسىنداي ارەكەتتەرگە جول بەرىلمەۋى ءتيىس ەكەندىگى تۋرالى تۇسىندىرىلگەن حات جولدادى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار