قازاقستان • 21 قازان، 2021

ستۋدەنتتەردىڭ ونەرتابىستارى حالىقارالىق دەڭگەيدە تانىلدى

50 رەت كورسەتىلدى

جەردىڭ كىشى جاساندى سپۋتنيكتەرىنىڭ يننوۆاتسيالىق كونسترۋكتورلارىن ءال-فارابي اتىنداعى قازاق ۇلتتىق ۋنيۆەرسيتەتىنىڭ عالىمدارى ويلاپ تاپتى. بۇل تۋرالى ءبىلىم جانە عىلىم مي­نيستر­لىگى حابارلادى. قۇرىلعى وقۋشىلار مەن ستۋدەنتتەردى عا­رىشتىق اپپاراتتى جوبالاۋ جانە قۇراستىرۋ نەگىزدەرىنە ۇيرەتۋگە ارنالعان. جابدىق مەملەكەتتىك تىلدە باعدارلامالىق قامتاماسىز ەتۋمەن جانە قاجەتتى ادىستەمەلىك ماتەريالدارمەن جاراقتالعان. ەسكە سالا كەتەيىك، بۇعان دەيىن يلون ماسك كومپانياسى جوو عالىمدارى ازىرلەگەن Al-Farabi -2 نانوسپۋتنيگىن ىسكە قوسقان بولاتىن.

ءال-فارابي اتىنداعى قازۇۋ عىلىمي-تەحنولوگيالىق پاركىنىڭ ديرەكتورى ءامىرحان تەمىرباەۆ: «كونسترۋكتورمەن جۇمىس ىستەۋ بارىسىندا ءبىلىم الۋشىلاردىڭ تەحنولوگيا سالاسىنداعى داعدىلارى داميدى. ولار وسى عارىش اپپاراتىن جوبالاۋدا تاجىريبەلىك ءبىلىم الادى. كونسترۋكتوردىڭ كو­مە­گىمەن وقۋشى نەمەسە ستۋدەنت ءوز نانوسپۋتنيگىن جيناپ، ونى گەلي شارىنىڭ كومەگىمەن ستراتوسفەراعا جىبەرە الادى. 2017 جىلى قازۇۋ-دىڭ Al-Farabi-1 العاشقى نانوسپۋتنيگى عارىشقا ۇشىرىلعانىن اتاپ وتكىم كەلەدى. 2018 جىلى يلون ماسك كومپانياسى ءبىزدىڭ ۋنيۆەرسيتەتتە قۇ­رىلعان Al-Farabi-2 ەكىنشى نانو­سپۋتنيگىن ىسكە قوستى»، دەدى.

سونداي-اق قازۇۋ عالىمدارى فيزيكا زاڭدارىن زەرتتەۋ ءۇشىن ءموبيلدى اپپاراتتىق-باع­دار­لامالىق كەشەن قۇردى. جاب­دىق­تىڭ كومەگىمەن ءارتۇرلى زەرت­حانالىق جۇمىس جۇرگىزۋگە بولادى. كەشەننىڭ باسقا جابدىق­تار­مەن سالىستىرعاندا بىرقاتار ارتىقشىلىعى بار. ءموبيلدى اپپاراتتىق-باعدارلامالىق كەشەن ىقشام جانە ءموبيلدى: بۇكىل كەشەن ءپورتاتيۆتى شامادانعا سا­لىنىپ، باتارەيامەن جۇمىس ىستەيدى.

د.سەرىكباەۆ اتىنداعى شى­عىس قازاقستان تەحنيكالىق ۋني­­ۆەرسيتەتىنىڭ عالىمدارى مە­دي­­تسينالىق يمپلانتانت ۇلگى­لە­رىن شىعارۋ بويىنشا تاجىريبەلىك-ونەركاسىپتىك ۋچاس­­كە قۇردى. ونىمدەر جەرگىلىكتى شيكىزات – جوعارى ساپالى تيتاننان جاسالدى. جوبا جوعارى تەح­­نولوگيالىق سالانىڭ يمپورتىن الماستىرۋعا باعىتتالعان. وتاندىق يمپلانتتار وزىندىك قۇنى بويىنشا ايتارلىقتاي تومەن، ياعني ازاماتتاردىڭ الەۋمەتتىك وسال ساناتتارىنا قولجەتىمدى.

د.سەرىكباەۆ اتىنداعى شىعىس قازاقستان تەحنيكالىق ۋنيۆەر­سيتەتىندەگى ورتالىقتىڭ عىلىمي قىزمەتكەرى، PhD دوكتور باعدات ازاماتوۆ: ء«بىز تراۆماتولوگيا جانە ورتوپەديا عىلىمي-زەرتتەۋ ينستيتۋتىنىڭ عالىمدارىمەن بىرلەسە سىنىقتارعا ارنالعان 12-دەن استام سۇرانىسقا يە يمپلانتاتتى انىقتادىق. ءبىز جاساعان ين­نوۆاتسيالىق تيتان كەيدجدەرى ومىرتقاارالىق ديسكىلەردى اۋىس­تىرۋ ءۇشىن قولدانىلادى. ولار قۇرىلىمى مەن قاسيەتى بويىنشا ادام سۇيەگىنە بارىنشا ۇقساس. ءبىز يمپلانتاتتاردى 3D-پرينتەردە باسىپ شىعارامىز، قازىر تاجىري­بەلى ۇلگىلەر كلينيكالىق سىناق­تار­دان ءوتىپ جاتىر. تيتان يم­پلانت­تا­رى­نىڭ ادام اعزاسىنا تەز بەيىم­دەلەتىنى بايقالادى»، دەپ اتاپ ءوتتى.

Dulaty University ستۋدەنتتەرى ينسۋلت العان ناۋقاستاردى وڭال­تۋ­عا ارنالعان يننوۆاتسيالىق ترە­­نا­­جەرلەر ويلاپ تاپتى. ولار وزدەرى جاساپ شىعارعان جا­ڭا­­­­شىلدىقتى «Science Slam-قازاقستان» عىلىمي-تا­نى­مال شوۋىندا تانىستىرىپ، جاس عا­لىمدار اراسىنداعى بايقاۋدىڭ جەڭىمپازدارى اتاندى.

جوبانى ازىرلەۋشىلەردىڭ ءبىرى، جاس عالىم الەكساندر سكالكين: ء«بىز الدىمىزعا ينسۋلت­پەن اۋى­را­تىن ناۋقاستاردى وڭالتۋعا ار­نالعان ارزان ءارى ءتيىمدى ترەنا­جەر­دى ازىرلەۋ مىندەتىن قوي­دىق. ديزايننىڭ ىڭعايلى ەتىپ جا­سالۋى­نا بايلانىستى ترەنا­جەر­لەردى ءارتۇرلى بۇلشىقەت توپتارىنا جاتتىعۋلار جاساۋ ءۇشىن قولدانۋعا بولادى. ءسىز جۇكتەمە دارەجەسىن جانە سەرىپپەلەردىڭ كەرنەۋىن وزگەرتە الاسىز. سونداي-اق ترەنا­جەرلەردىڭ كومەگىمەن ينسۋلت العان ناۋقاستاردى وڭالتۋ ءۇردىسىن ايتارلىقتاي تەزدەتەتىن جەكە كۋرستار ۇيىمداستىرۋعا بولادى. وتاندىق ترەناجەرلەردىڭ تاعى ءبىر ارتىقشىلىعى – ولاردىڭ ىڭعايلىلىعى. ترەناجەرلەر مەتالدان، اعاشتان جانە بىلعارىدان جا­سالعان. سوندىقتان ولار بەرىك­تىگى جوعارى جانە توزۋعا ءتوزىمدى»، دەدى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار