ەكونوميكا • 20 قازان، 2021

«الەۋمەتتىك ءامياننىڭ» قانداي ارتىقشىلىقتارى بار؟

40 رەت كورسەتىلدى

قر پرەزيدەنتى جانىنداعى تسيفرلاندىرۋدى ەنگىزۋ ماسەلەلەرى جونىندەگى كوميسسيا وتىرىسىندا ساۋدا جانە ينتەگراتسيا ءمينيسترى باقىت سۇلتانوۆ «الەۋمەتتىك ءامياندى» ەنگىزۋ بويىنشا جۇرگىزىلگەن جۇمىستار تۋرالى ايتتى، دەپ حابارلايدى Egemen.kz.

ءمينيستردىڭ ايتۋىنشا، بۇگىنگى تاڭدا الەۋمەتتىك جاردەماقىلاردى تولەۋ جۇيەسىندە بەلگىلى ءبىر كەمشىلىكتەر بار. ولاردىڭ اراسىندا پرواكتيۆتى ەسەپتەۋ تەتىگىنىڭ بولماۋى، بەرەشەك نەمەسە تىيىم سالۋ بولعان كەزدە بانك شوتىن اشۋ كەزىندە شەكتەۋ، الەۋمەتتىك كومەك قاراجاتىن پايدالانۋ بويىنشا اقپاراتتىڭ بولماۋى، ازاماتتاردىڭ وزدەرىنىڭ بانك دەرەكتەمەسىن ۇسىنۋ كەزىندەگى قاتەلىك، بانك كوميسسياسىن جابۋعا ارنالعان بيۋدجەتتىڭ جوعارى شىعىستارى بار.

وسى كەمشىلىكتەردى جويۋ ءۇشىن مەملەكەت باسشىسى 2020 جىلعى 1 قىركۇيەكتەگى جولداۋىندا قر ۇكىمەتىنە قر ۇلتتىق بانكىمەن بىرلەسىپ تسيفرلىق «الەۋمەتتىك ءامياندى» ەنگىزۋ تۋرالى تاپسىرما بەردى. جوبانىڭ نەگىزگى ماقساتى - الەۋمەتتىك قولداۋ قۇرالدارىن جەتىلدىرۋ، بيۋدجەت قاراجاتىنان بانك كوميسسيالارىنا جۇمسالاتىن شىعىستاردى وڭتايلاندىرۋ ارقىلى حالىققا نىسانالى الەۋمەتتىك كومەك كورسەتۋ.

«الەۋمەتتىك ءامياندى» قۇرۋ 2023 جىلدان باستاپ جىل سايىن ورتا ەسەپپەن 15-20%-عا دەيىن بانك كوميسسياسىن جابۋعا ارنالعان بيۋدجەت شىعىسىن وڭتايلاندىرۋعا مۇمكىندىك بەرەدى.

«جۇيەنى قۇرۋدىڭ باستى ارتىقشىلىعىنىڭ ءبىرى – الەۋمەتتىك كومەكتى 1 جۇمىس كۇنىنە دەيىن قابىلداۋ مەرزىمىن قىسقارتۋ جانە الەۋمەتتىك كومەكتى تاعايىنداۋ كەزىندە ازاماتتار ءۇشىن ەلەكتروندى ءامياندى دەرەۋ اشۋ.

«الەۋمەتتىك ءامياندى» بارلىق ازاماتتار ءۇشىن ولاردىڭ جسن بازاسىندا اشۋ جوسپارلانعان. بۇل رەتتە كاسىپكەرلىك سۋبەكتىلەرى مەن ساۋدا وبەكتىلەرى ءۇشىن ولاردىڭ جسن/بسن بازاسىندا «بيزنەس ءامياندار« اشىلادى، سودان كەيىن ءامياندى ەكىنشى دەڭگەيدەگى بانككە تاڭداۋ بويىنشا بايلاۋ قاجەت»، دەلىنگەن حابارلامادا.

سونداي-اق تسيفرلىق ءاميان ۇلتتىق بانكتىڭ جەدەل تولەمدەر جۇيەسى ينفراقۇرىلىمىنىڭ بولىگى رەتىندە جۇمىس ىستەيتىن بولادى. حالىق ءۇشىن ارتىقشىلىعى - تاۋاردى/قىزمەتتى ساتىپ العان كەزدە تولەمدى سمارتفون قوسىمشاسى ارقىلى نەمەسە SMS راستاۋ ارقىلى جاساۋعا بولادى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار