ايماقتار • 20 قازان، 2021

اقمولادا تاكسي جۇرگىزۋشىسىن ولتىرگەندەر سوتتالدى

54 رەت كورسەتىلدى

اقمولا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا تاكسي جۇرگىزۋشىسىن قاستاندىقپەن ءولتىرىپ، كولىگىن ايداپ كەتكەن بۋراباي اۋدانىنىڭ ەكى تۇرعىنىنا قاتىستى سوت ۇكىمى شىقتى، دەپ حابارلايدى Egemen.kz وبلىستىق سوتتىڭ ءباسپاسوز قىزمەتىنە سىلتەمە جاساپ.

سوت ۇكىمىمەن سوتتالۋشىلاردىڭ ارقايسى 18 جىلعا باس بوستاندىعىنان ايىرىلدى. سونداي-اق، ولارعا الكوگوليزمنەن ماجبۇرلەپ ەمدەۋ تۇرىندەگى جازا تاعايىندالدى.

سوت جابىرلەنۋشىلەردىڭ سوتتالعاندار ر. جانە گ-عا ماتەريالدىق زالالدى جانە مورالدىق زياندى وتەۋ تۋرالى ازاماتتىق تالاپ-ارىزىن قاناعاتتاندىرىپ، زارداپ شەككەن تاراپتىڭ پايداسىنا سوتتالعانداردان ورتاق تارتىپپەن 10 000 000 تەڭگە ءوندىرىپ الدى.

«اقمولا وبلىسى بۋراباي اۋدانىنىڭ تۇرعىندارى، جۇمىس ىستەمەيتىن 22 جاستاعى ر. مەن كوللەدجدىڭ 21 جاستاعى ستۋدەنتى گ. بيىلعى مامىر ايىندا ماس كۇيىندە تاكسي جۇرگىزۋشىسىنە شابۋىل جاساپ، ودان اقشا ۇرلاۋ ماقساتىندا ونىڭ ۇيالى تەلەفونىن، اۆتوكولىگىن يەمدەنىپ، ءوز قىلمىسىن جاسىرۋ ماقساتىندا تاكسي جۇرگىزۋشىسىن ولتىرگەن. جۇرگىزۋشىنى اياق كيىمنىڭ باۋىمەن تۇنشىقتىرىپ، موينى مەن كەۋدەسىن سىنعان شىنى بوتەلكەنىڭ وتكىر جيەكتەرىمەن سوققان. بۇدان كەيىن كۇدىكتىلەر كولىكتى بوس جەرگە تاستاپ، قىلمىس ورنىنان قاشىپ كەتكەن»، دەپ ءتۇسىندىردى ۆەدومستۆودان.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار