ەكونوميكا • 20 قازان، 2021

ەربولات دوساەۆ ينفلياتسيانىڭ نەگىزگى سەبەپتەرىن ايتتى

50 رەت كورسەتىلدى

ءماجىلىستىڭ جالپى وتىرىسىندا ۇلتتىق بانك توراعاسى ەربولات دوساەۆ ەلىمىزدەگى ينفلياتسيانىڭ نەگىزگى سەبەپتەرىن ايتتى، دەپ حابارلايدى Egemen.kz.

«بيىلعى جىلدىڭ ەكىنشى جارتىجىلدىعىنان باستاپ قازاقستاندا ينفلياتسيا تۇتىنۋشىلىق بەلسەندىلىكتىڭ تەز قالپىنا كەلۋى، ەكونوميكانى فيسكالدىق ىنتالاندىرۋدىڭ جالعاسۋى جانە جەكەلەگەن تاۋار نارىقتارىنداعى تەڭگەرىمسىزدىكتەرى ناتيجەسىندە ءوستى»، دەدى ە. دوساەۆ.

ونىڭ ايتۋىنشا، ازىق-ت ۇلىك باعاسىنىڭ ءوسۋى نەگىزگى ينفلياتسياعا قارسى فاكتور بولدى، ول جالپى ينفلياتسياعا جارتىسىنان كوپ ۇلەس قوسادى. ازىق-ت ۇلىك ينفلياتسياسى بيىلعى قىركۇيەكتە ۋاقىتشا جانە ورنىقتى فاكتورلاردىڭ اسەرىنەن 11،5%-عا دەيىن جىلدامدادى.

«وسى جىلعى شىلدە-تامىزدا جاز ايلارىنا ءتان ەمەس جانە ۇزاق ساقتالاتىن كوكونىستەر (كارتوپ، ءسابىز، قىزىلشا) باعاسىنىڭ سوڭعى جىلدارداعى رەكورد ءوسۋى تىركەلدى. ەت، وسىمدىك مايى جانە قانت باعاسىنىڭ ءوسۋى ينفلياتسيانى جىلدامداتۋدىڭ تۇراقتى فاكتورى بولىپ قالۋدا، بۇل ءوسۋ دەڭگەيىن الەمدىك ۇردىستەرمەن سالىستىرۋعا بولادى. فاو دەرەكتەرىنە سايكەس، ءبىر جىلدا ەتتىڭ الەمدىك باعاسى ورتا ەسەپپەن 26،3%-عا، وسىمدىك مايىنىڭ باعاسى – 61،2%-عا، قانتتىڭ باعاسى – 53،5%-عا ءوستى»، دەدى ۇب باسشىسى.

ونىڭ سوزىنە قاراعاندا، ءبىرىنشى كەزەكتە تۇتىنۋشىلىق بەلسەندىلىكتىڭ قالپىنا كەلۋى اياسىندا جانار-جاعار ماي جانە ۇزاق پايدالانىلاتىن تاۋارلار باعاسىنىڭ ءوسۋى ناتيجەسىندە قازاقستاندا ازىق-ت ۇلىككە جاتپايتىن ينفلياتسيا 7،5%-عا دەيىن جىلدامدادى.

«اقىلى قىزمەتتەر ينفلياتسياسى نەگىزىنەن ەلەكتر ەنەرگياسى، تۇرعىن ءۇيدى جالداۋ جانە كولىك قىزمەتتەرى باعاسىنىڭ ءوسۋى ەسەبىنەن 6،8%-عا دەيىن جىلدامدادى»، دەدى ە. دوساەۆ.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار