ەكونوميكا • 20 قازان، 2021

الداعى جىلدارى بيۋدجەت تاپشىلىعى بولا ما؟

38 رەت كورسەتىلدى

2022 جىلى بيۋدجەت تاپشىلىعى جالپى ىشكى ونىمگە قاتىستى 3،3% دەڭگەيىندە بولجانىپ وتىر. بۇل تۋرالى پارلامەنت ءماجىلىسىنىڭ جالپى وتىرىسىندا قر ۇلتتىق ەكونوميكا ءمينيسترى اسەت ەرعاليەۆ مالىمدەدى، دەپ حابارلايدى Egemen.kz.

«ۇلتتىق بانك جىلدىق ينفلياتسيانىڭ نىسانالى ءدالىزى 2022 جىلى 4-6 %، 2023-2024 جىلدارى – 4-5% ارالىعىندا، 2025-2026 جىلدارى – 3-4% شەگىندە ساقتالعان. وسى ماكروەكونوميكالىق كورسەتكىشتەردى ەسكەرە وتىرىپ، رەسپۋبليكالىق بيۋدجەتتىڭ كىرىستەرى ترانسفەرتتەردى ەسەپكە الماعاندا 2022 جىلى بولجامدار بويىنشا 9،2 تريلليون تەڭگەنى، 2023 جىلى - 9،7 تريلليون تەڭگەنى، 2024 جىلى - 10،4 تريلليون تەڭگەنى قۇرايدى»، دەدى ءا.ەرعاليەۆ.

ونىڭ ايتۋىنشا، كەپىلدەندىرىلگەن ترانسفەرتتى 2022 جىلى - 2،4 تريلليون تەڭگە، 2023 جىلى - 2،2 تريلليون تەڭگە جانە 2024 جىلى - 2 تريلليون تەڭگە مولشەرىندە ايقىنداۋ ۇسىنىلىپ وتىر.

«بۇدان باسقا، ۇلتتىق قوردان 2022 جىلى 550 ميلليارد تەڭگە مولشەرىندە، ونىڭ ودان ءارى قىسقارۋىمەن 2023-2024 جىلدارى جىل سايىن 400 ميلليارد تەڭگەدەن نىسانالى ترانسفەرت تارتۋ ۇسىنىلادى. 2022 جىلى بيۋدجەت تاپشىلىعى جالپى ىشكى ونىمگە قاتىستى 3،3% دەڭگەيىندە، كەيىننەن 2024 جىلى جالپى ىشكى ونىمگە قاتىستى 2،5% دەيىن تومەندەۋمەن بولجانىپ وتىر. 2022 جىلى مۇناي ەمەس تاپشىلىق ىشكى ونىمگە قاتىستى 8،1% قۇراپ، كەيىننەن 2024 جىلى جالپى ىشكى ونىمگە قاتىستى 6،3% دەيىن تومەندەيدى»، دەپ ءتۇسىندىردى مينيستر.

رەسپۋبليكالىق بيۋدجەتتىڭ شىعىستارى 2022 جىلى 15،9 تريلليون تەڭگە، 2023 جىلى – 15،6 تريلليون تەڭگە جانە 2024 جىلى – 16 تريلليون تەڭگە كولەمىندە بولجانىپ وتىر.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار