ەكولوگيا • 20 قازان، 2021

پرەزيدەنت تاپسىرماسى: قالجىر وزەنىن لاستاعاندار جاۋاپقا تارتىلدى

139 رەت كورسەتىلدى

قالجىر وزەنىن لاستاعاندار جاۋاپقا تارتىلدى، دەپ حابارلايدى Egemen.kz قر ەكولوگيا، گەولوگيا جانە تابيعي رەسۋرستار مينيسترلىگىنىڭ ءباسپاسوز قىزمەتىنە سىلتەمە جاساپ.

ءباسپاسوز قىزمەتىنىڭ حابارلاۋىنشا، مەملەكەت باسشىسى قاسىم-جومارت توقاەۆتىڭ تاپسىرماسى بويىنشا، شىعىس قازاقستان وبلىسى بويىنشا ەكولوگيا دەپارتامەنتى كۇرشىم اۋدانىنداعى قالجىر وزەنىنىڭ لاستانۋ فاكتىسىنە قاتىستى تەكسەرۋ جۇرگىزدى.

بيىلعى جىلدىڭ مامىر ايىندا اقبۇلاق اۋىلدىق وكرۋگىنە قاراستى «شاندىبۇلاق» ۋچاسكەسىندە جۇرگىزىلگەن رەيد شارالارى بارىسىندا كۇرشىم اۋداندىق پوليتسيا ءبولىمى جەكە كاسىپكەر سەرگەي حۆاننىڭ رۇقسات قۇجاتتارىنسىز التىندى ءوز ەركىمەن ءوندىرۋ فاكتىسىن انىقتادى. 6 قىركۇيەكتە قالجىر وزەنىنىڭ لاستانۋى تۋرالى كەلىپ تۇسكەن بەينەسيۋجەت نەگىزىندە ەكولوگيا دەپارتامەنتى، تابيعاتتى قورعاۋ پوليتسياسى، باسسەيندىك ينسپەكتسيا جانە باسقا دا مەملەكەتتىك ورگاندار قىزمەتكەرلەرى اتالعان جەرگە باردى.

بەلگىلى بولعانداي، جاقىن ارادا «س.ا. حۆان» جەكە كاسىپكەر وكىلدەرى سوت قاۋلىسىن ورىنداۋ ءۇشىن قالجىر وزەنىنىڭ ارناسى مەن ونىڭ جايىلمالى بولىگىندەگى، سونداي-اق شاندىبۇلاق بۇلاعىنداعى زاڭسىز سالىنعان بوگەتتەر مەن توعانداردى بۇزعان. سونىڭ اسەرىنەن قالجىر وزەنىنىڭ نەگىزگى ارناسىنا تۇسكەن ۇساق قۇمدى توپىراق ونىڭ ەداۋىر اۋماعىن لاستاعان.

لاي تۇنبالى لاس سۋ وزەن اعىسىمەن ءبىرشاما قاشىقتىققا جايىلىپ، 53،3 مگ/م3 دەيىنگى قالقىما زاتتاردىڭ وزەندى لاستاۋىنا اكەلدى. قالجىر وزەنىنىڭ ودان ءارى لاستانۋىنا جول بەرمەۋ ءۇشىن ەكولوگيا دەپارتامەنتىنىڭ ينسپەكتورلارى زاڭسىز قۇرىلىستاردى قالپىنا كەلتىرۋ جۇمىستارىن توقتاتتى. اتالعان جۇمىستاردى قاۋىپسىز جۇرگىزۋ ءۇشىن جوبالىق قۇجاتتامانى ازىرلەۋ ۇسىنىلدى. بۇگىنگى كۇنى تابيعي سۋلاردى سىناۋ حاتتامالارىنا سايكەس زيان شەككەن سۋ ايدىنىنداعى لاستاۋشى زاتتاردىڭ قۇرامى شەكتى رۇقسات ەتىلگەن كونتسەنتراتسيادان اسپايدى.

جەرۇستى سۋلارىنىڭ ساپاسى قالپىنا كەلتىرىلدى. التىن كەنىن ىزدەۋ بويىنشا جۇمىستاردى زاڭسىز جۇرگىزگەنى، رۇقسات ەتىلمەگەن قۇرىلىستاردى بۇزۋ تۋرالى سوت شەشىمىن ورىنداماعانى، سونداي-اق ەكولوگيالىق ساراپتاما جۇرگىزبەي وبەكتىلەردى ءوز بەتىنشە سالعانى ءۇشىن كۇرشىم اۋدانىنىڭ № 2 اۋداندىق سوتى مەن شقو ەكولوگيا دەپارتامەنتىنىڭ شەشىمىمەن كاسىپكەرلەرگە جالپى سوماسى جارتى ميلليون تەڭگەدەن استام ايىپپۇل سالىنىپ، كەن وندىرۋشىلىككە بەرىلگەن ليتسەنزيالارى كەرى قايتارىلدى.

بۇدان باسقا، قۇقىق بۇزۋشىلىقتاردىڭ سالدارىن جويۋ ماقساتىندا «حۆان» جك رەمەدياتسيا باعدارلاماسىن بەكىتتى، وعان سايكەس بيىلعى جىلعى قاراشاعا دەيىن قالجىر وزەنىنىڭ گيدرولوگيالىق رەجيمىن جانە تاۋ لاندشافتىن قالپىنا كەلتىرۋ بويىنشا ءبىرىنشى كەزەكتەگى ءىس-شارالاردى ورىنداۋ قاجەت. قازىرگى ۋاقىتتا ءوڭىر اكىمدىگى تابيعي كومپونەنتتەردى قالپىنا كەلتىرۋ بويىنشا جۇمىستاردىڭ كەڭەيتىلگەن سمەتالىق ەسەبىن جاساۋدى پىسىقتاۋدا، ونىڭ سوماسىنا بايلانىستى پوليتسيا ورگاندارى قر قك 324، 328، 333 جانە 334-باپتارى بويىنشا كىنالى ادامداردى قىلمىستىق جاۋاپقا تارتۋ تۋرالى ماسەلەنى قارايتىن بولادى.

«سونىمەن قاتار، وسىنداي زاڭ بۇزۋشىلىقتاردى بولدىرماۋ ماقساتىندا مەملەكەتتىك ورگانداردىڭ وكىلدەرى جەرگىلىكتى بەلسەندىلەرمەن كەزدەسۋ ۇيىمداستىردى، ونىڭ ناتيجەسىندە قۇقىق بۇزۋشىلاردى كارەرلەردى رەكۋلتيۆاتسيالاۋ جونىندەگى جوبالاردى (ونىڭ ىشىندە ءتۇبىن قاۋىپسىز تاسىلمەن تازارتۋدى جۇرگىزۋ) ازىرلەۋگە مىندەتتەۋ، سونداي-اق جەر قويناۋىن پايدالانۋشىلاردىڭ قىزمەتىنە قوعامدىق باقىلاۋدى كۇشەيتۋ جونىندە شەشىم قابىلداندى»، دەلىنگەن حابارلامادا.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار