ەلوردا • 20 قازان، 2021

ەلورداعا قوسىمشا 2300 توننا سۇيىتىلعان گاز ءبولىندى

33 رەت كورسەتىلدى

وسى ايدا نۇر-سۇلتان قالاسىنىڭ شامامەن 10 كوپپاتەرلى تۇرعىن ءۇي كەشەنىنە ىستىق سۋمەن جابدىقتاۋ جانە جىلۋ بەرۋ قىزمەتتەرىن كورسەتۋدە ىركىلىس بولدى، دەپ جازادى Egemen.kz.

نەگىزگى سەبەپتەردىڭ ءبىرى – سۇيىتىلعان گازدى ەلورداعا ۋاقتىلى جەتكىزبەۋ دەپ اتادى قر ەنەرگەتيكا مينيسترلىگى.

قر ەنەرگەتيكا مينيسترلىگى جەرگىلىكتى اتقارۋشى ورگانمەن، سونداي-اق ءوندىرۋشى زاۋىتتارمەن جانە «قازاقستان تەمىر جولى» ۇك» اق-مەن بىرلەسىپ، جىلۋ بەرۋ ماۋسىمىنىڭ ەرتە باستالۋىنا بايلانىستى ەلوردا ءۇشىن گازدى باسىمدىقپەن جونەلتۋ مۇمكىندىگىن پىسىقتادى.

سونىمەن قاتار، «تەڭىزشەۆرويل» جشس-مەن قالاعا قوسىمشا 2300 توننا گاز ءبولۋ تۋرالى كەلىسسوزدەر جۇرگىزىلدى. ءبىرىنشى كەزەكتە وتىن گاز تاراتۋ قوندىرعىلارى مەن قازاندىقتارعا، سودان كەيىن عانا اۆتوجانارماي قۇيۋ ستانتسيالارىنا جەتكىزىلەتىن بولادى. سوڭعى ەكى جىلدا كوگىلدىر وتىنعا اۋىستىرىلعان اۆتوموبيلدەر سانى ارتقانىن اتاپ وتكەن ماڭىزدى (2019 جىلعى 139 مىڭ بىرلىكتەن 2021 جىلى 313 مىڭ اۆتوموبيلگە دەيىن).

ايتا كەتەيىك، جاعدايعا «تەڭىزشەۆرويل» جشس (01.08 - 18.09.2021ج. ارالىعىندا)، سونداي-اق «سنپس-اقتوبەمۇنايگاز» اق (قىركۇيەك) جانە «پاۆلودار مۇناي-حيميا زاۋىتى» جشس (قازان) زاۋىتتارىندا كۇردەلى جوندەۋ جۇرگىزۋ اسەر ەتتى، سونىڭ سالدارىنان قازاقستاندا سۇيىتىلعان مۇناي گازىن ءوندىرۋ كولەمى 25%-عا تومەندەدى. جاقىن كۇندەرى زاۋىتتار وندىرىستىك قۋاتىنا شىعىپ جانە جاقىن ارادا سۇيىتىلعان گاز وڭىرلەرگە كەلىپ ءتۇسىپ، حالىق اراسىندا بولشەك ساۋدا ءۇشىن قولجەتىمدى بولادى.

ىشكى نارىققا بەرۋ جوسپارى شەڭبەرىندە وتكىزىلەتىن سۇيىتىلعان مۇناي گازىنىڭ اينالىمىن باقىلاۋدى جەرگىلىكتى اتقارۋشى ورگاندار جۇزەگە اسىرادى.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار