ساياسات • 20 قازان، 2021

اۋىلدى دامىتۋعا باسىمدىق بەرىلۋدە

79 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميالىق جاعداي جانە «اۋىل – ەل بەسىگى» جوباسىنىڭ ىسكە اسىرىلۋ بارىسى قارالدى.

سوڭعى ەكى اپتادا اۋرۋ دەڭگەيى 17%-عا تومەندەدى

دەنساۋلىق ساقتاۋ ءمينيسترى ا.تسوي حابارلاعانداي، الەمدە 240 ملن-نان استام ادام كۆي جۇقتىرعان، تاۋلىگىنە 300 مىڭعا جۋىق جاعداي تىركەلەدى. 4،9 ملن-نان استام ادام قايتىس بولدى. ددۇ ەۋروپالىق ايماعىنىڭ مالىمەتتەرى بو­يىنشا، سوڭعى ەكى اپتادا 54 ەلدىڭ 33-ىندە اۋرۋدىڭ ءوسۋى بايقالدى.

سوڭعى 14 كۇندە اۋرۋدىڭ ەڭ كوپ ءوسۋ دەڭگەيى پولشادا بايقالدى، وندا سىر­قات­تانۋ دەڭگەيى 122%-دان استام ءوستى، گرۋ­زيادا – 98%، ۋكراينادا – 69%، ماجارستاندا – 50%-دان استام، ارمەنيادا – 40%-دان استام، رەسەيدە – 30%، تۇركيا، اۋستريا جانە گەرمانيا، قىرعىزستان، بەلارۋس ەلدەرىندە 2%-دان 10%-عا دەيىن ءوسىپ وتىر.

سىرقاتتانۋ دەڭگەيىنىڭ تومەندەۋى ددۇ-نىڭ ەۋروايماعىندا 21 ەلدە باي­قالادى، ونىڭ ىشىندە يزرايلدە – 61%، يسپانيادا – 43%، شۆەيتساريادا – 39%، چەرنوگوريادا – 24%، يتاليادا – 22%، فرانتسيادا – 16%، ازەربايجاندا 7% دەڭگەيىندە تىركەلىپ وتىر.

قازاقستاندا سوڭعى ايدا تاۋلىكتىك سىرقاتتانۋ 2،1 ەسەگە، اۋىر جانە وتە اۋىر جاعدايلاردىڭ سانى 1،6 ەسەگە ازايدى. سونداي-اق ستاتسيونارلىق ەمدە­لۋ­دەگى ناۋقاستار سانىنىڭ 1،4 ەسەگە (18 قىركۇيەكتەگى جاعداي بويىنشا 13 مىڭ­نان 18 قازانداعى جاعداي بويىنشا 9،1 مىڭ ادامعا دەيىن) ازايۋى، امبۋلاتورلىق ەمدەلۋدەگى ناۋقاستار سانى 1،3 ەسەگە (57 مىڭنان 43 مىڭ ناۋقاسقا دەيىن) تومەندەگەنى بايقالادى.

ەلىمىز بويىنشا 1 تامىزدان باس­تاپ ينفەكتسيالىق ورىنداردىڭ جۇك­تەلۋ دەڭگەيى 56%-دان 34%-عا دەيىن، رەاني­ماتسيالىق ورىنداردىڭ جۇك­تەلۋى 45%-دان 29%-عا دەيىن تو­مەن­دەدى. رەزەرۆتە 20 مىڭعا جۋىق ورىن بار.

دەنساۋلىق ساقتاۋ ءمينيسترىنىڭ ايتۋىنشا، ەپيدەميالىق جاعدايدىڭ تۇراقتانۋىنا بايلانىستى ۋاقىتشا ينفەكتسيالىق نىسانداردى جابۋ جۇ­مىس­تارى جالعاسۋدا. بيىل 25 تامىز بەن 18 قازان ارالىعىندا بارلىق وڭىردە 103 نىسان (30 881 ينفەكتسيالىق ورىن) جابىلدى.

سونىمەن قاتار حالىقتى كۆي-گە قار­سى ۆاكتسينالاۋ جالعاسۋدا. ۆاكتسينالاۋ جوسپارى قايتا قارالدى جانە بۇگىندە شامامەن 11،4 ملن ادامدى قۇرايدى. «ۆاكتسينانىڭ ءبىرىنشى كومپونەنتىمەن 8 ملن-نان استام ادام ەگىلدى، بۇل ەكپە الۋعا ءتيىستى حالىق سانىنىڭ 70،7%-ىن نەمەسە حالىق سانىنىڭ 42،7%-ىن قۇرادى. ەكىنشى كومپونەنتپەن 7،1 ملن-نان استام ادام ەگىلدى، ەكپە الۋعا ءتيىستى حالىقتىڭ 63%-ىن نەمەسە حالىق سانىنىڭ
38%-ىن قامتىدى» دەپ حابارلادى ۆەدومستۆو باسشىسى.

تۇماۋعا قارسى ەكپە ەگۋ جۇمىستارى جالعاسىپ جاتىر. بۇگىنگى تاڭدا شامامەن 1 ملن 380 مىڭ ادام نەمەسە ءتيىستى حالىقتىڭ 54،5%-ى ەگىلدى. ۆاكتسينالاۋمەن رەسپۋبليكالىق كورسەتكىشتەن جوعارى قامتۋ 7 وڭىردە بايقالادى، ونىڭ ىشىندە تۇركىستان وبلىسىندا ەكپە الۋعا جاتاتىن حالىقتىڭ 85%-ى، نۇر-سۇلتان، شىمكەنت قالالارىندا، اقمولا جانە قىزىلوردا وبلىستارىندا 60%-دان استامى، الماتى قالاسىندا جانە شىعىس قازاقستان وبلىسىندا 55%-دان استامى قامتىلعان.

ەپيدەميالىق جاعدايدىڭ تۇراق­تا­نۋىن، سونداي-اق ۆاكتسينالاۋعا جاتاتىن كونتينگەنتتىڭ 70%-دان استامىنىڭ قامتىلۋىن ەسكەرە وتىرىپ، ۆاك 2021 جىلعى 20 قازاننان تومەندەگى جاع­داي­­لارعا رۇقسات بەرۋ تۋرالى شەشىم قا­­بىلداندى: كەلۋشىلەر COVID-19-عا قار­سى ۆاكتسينالاۋدىڭ تولىق كۋرسىن العانى تۋرالى قۇجاتتى نەمەسە پتر ادىسىمەن COVID-19-عا زەرتحانالىق تەك­سە­رۋ­دىڭ تەرىس ناتيجەسى بار جانە مەرزىمى ناتي­جەسى بەرىلگەن كۇننەن باستاپ 3 تاۋلىك­تەن اسپاعان قۇجاتتى ۇسىنعان جاعدايدا مەديتسينالىق-الەۋمەتتىك وبەكتىلەردىڭ (قارتتار، مۇگەدەكتەر، بالالار ۇي­لەرى جانە باسقالار) پاتسيەنتتەرىنە بارۋ مۇمكىندىگى; تۇنگى كلۋبتاردىڭ قىزمەتى تەك «جاسىل مارتەبەسى» بار تۇلعالار ءۇشىن 50%-عا دەيىنگى تولىمدىلىقپەن ىسكە اسادى، بىراق: كەلۋشىلەر سانى «جاسىل ايماقتا» 100 ادامنان، «سارى ايماقتا» 70 ادامنان، «قىزىل ايماقتا» 50 ادامنان ارتىپ كەتپەۋى كەرەك.

ASHYQ جوباسىنا قاتىساتىن بيزنەس وبەكتىلەرىنىڭ جۇمىس ۋاقىتىن ۇزارتۋ تۋرالى مىناداي ولشەم ۇسىنىلادى: «جاسىل ايماقتا» ساعات 03-00-گە دەيىن، ASHYQ جوباسىنىڭ كوشباسشىلارى ءۇشىن ساعات 05-00-گە دەيىن; «سارى اي­ماق­تا» ساعات 01-00-گە دەيىن، ASHYQ جو­باسىنىڭ كوشباسشىلارى ءۇشىن ساعات 03-00-گە دەيىن.

ماسەلەنى قورىتىندىلاعان ۇكىمەت باسشىسى اسقار مامين كوروناۆيرۋس پەن تۇماۋعا قارسى ەگۋ ناۋقانىن جال­عاس­تىرۋدى تاپسىردى.

 

«اۋىل – ەل بەسىگى» جوباسىنا 106 ملرد تەڭگە ءبولىندى

ۇكىمەت وتىرىسىندا «اۋىل – ەل بە­سى­گى» جوباسىنىڭ ىسكە اسىرىلۋ بارىسى قارالدى. بۇل ماسەلە جونىندە ۇلت­تىق ەكونوميكا ءمينيسترى اسەت ەرعا­ليەۆ، پاۆلودار وبلىسىنىڭ اكىمى ابىل­قايىر سقاقوۆ، قوستاناي وبلىسىنىڭ اكىمى ارحيمەد مۇحامبەتوۆ، الماتى وبلى­سىنىڭ اكىمى اماندىق باتالوۆ بايانداما جاسادى.

ۇلتتىق ەكونوميكا ءمينيسترى اسەت ەرعاليەۆ ەلىمىزدە تۇڭعىش پرەزيدەنت – ەلباسى نۇرسۇلتان نازارباەۆتىڭ Nur Otan پارتياسىنىڭ XVIII سەزىندە بەرگەن تاپسىرماسىنا سايكەس 2019 جىلدان باستاپ «اۋىل – ەل بەسىگى» جوباسى جۇزەگە اسىرىلىپ جاتقانىن ايتتى. «العا قويىلعان ماقساتقا قول جەتكىزۋ ءۇشىن الەۋمەتتىك جانە ينجەنەرلىك ينفراقۇرىلىمدى دامىتۋ، اۋىل تۇرعىندارى ءۇشىن الەۋمەتتىك جانە مەملەكەتتىك قىزمەتتەردىڭ قول­جەت­ىم­دىلىگىن قامتاماسىز ەتۋ، سونداي-اق ءومىر سۇرۋگە جايلى ورتا قۇرۋ بويىنشا شارالار ىسكە اسىرىلۋدا. جوبانىڭ شەڭبەرىندە 3،5 مىڭنان استام پەرسپەكتيۆالى اۋىل ايقىندالدى، وندا ەلىمىزدەگى اۋىل حالقىنىڭ 90%-عا جۋىعى تۇرادى. اتاپ ايتساق، 1 173 تىرەك جانە 2 388 سەرىك­تەس اۋىل ىرىكتەلدى»، دەدى ءا.ەرعاليەۆ.

تىرەك اۋىل – كولىك بايلانىسى بار جا­نە ونىڭ ىشىندە سپۋتنيكتىك اۋىلداردىڭ تۇرعىندارى ءۇشىن دە (10-15 كم راديۋس­تاعى اۋىلدار) الەۋمەتتىك يگىلىكتەر مەن قىز­مەتتەر كورسەتەتىن، دامىعان ينفرا­قۇ­رىلىمى بار اباتتاندىرىلعان ەلدى مە­كەن. پەرسپەكتيۆالى اۋىلداردى ىرىك­تەۋ كەزىندە 156 ولشەم نەگىزىندە ستاتيس­تيكالىق تالداۋ جۇرگىزىلدى. بۇل رەتتە، ورتاق پايدالانىلاتىن ينفراقۇرىلىمدى ورنالاس­تىرۋ مۇمكىندىكتەرى، ەكونوميكالىق پارامەترلەر، سونداي-اق گەوستراتەگيالىق جاعداي – ءىرى قالالارعا، وزەندەرگە، تەمىر جولدار مەن اۆتوماگيسترالدارعا دەيىنگى قاشىقتىق ەسكەرىلدى. جوبانى ىسكە اسىرۋ ماقساتىندا اۋىلداردىڭ الەۋەتىن انىقتاۋ ادىستەمەسى وزەكتەندىرىلدى.

جاڭا ادىستەمەگە سايكەس اۋىلدار الەۋەتتى دەموگرافيا، ينفراقۇرىلىم، ەكونوميكا جانە گەوكەڭىستىكتىك جاعداي سەكىلدى 4 بلوك بويىنشا انىقتالدى. ادىستەمەنى ازىرلەۋ كەزىندە حالىقارالىق تاجىريبەلەر زەردەلەنىپ، وڭىرلەر اراسىنداعى ينفرا­قۇ­رىلىمدىق الشاقتىقتارى بار ەلدەر، اتاپ ايتقاندا، كانادا تاجىريبەسى ەسكە­رىلدى. «اۋىلدىق ەلدى مەكەندەردى دامىتۋ ءۇشىن ينفراقۇرىلىمعا ينۆەس­تيتسيا سالۋ، شاعىن جانە ورتا بيزنەستى قولداۋ، اگروونەركاسىپتىك كەشەندى دامىتۋ، سونداي-اق تۇرعىن ءۇي سالۋ مەن جاڭارتۋ بويىنشا شارالار قابىلداندى. كانادادا بۇل شارالاردىڭ تيىمدىلىگىن ارتتىرۋ ءۇشىن كلاستەرلىك ءتاسىل قولدانىلدى، وندا جاقىن ورنالاسقان اۋىلدار بىرىڭعاي ەكونوميكالىق جۇيە رەتىندە قارالادى» دەدى ۇلتتىق ەكونوميكا ءمينيسترى.

تۇرعىن ءۇي-كوممۋنالدىق شارۋا­شى­لىق سالاسىندا 5،2 مىڭ كم ينجەنەرلىك جە­لىلەردى جاڭعىرتۋ بويىنشا 1 225 جوبا ىسكە اسىرىلدى. الەۋمەتتىك ينفراقۇرىلىمدى دامىتۋ سالاسىندا 2 218 جوبا جۇزەگە استى. 1 213 مەكتەپ پەن بالاباقشا، 234 فەلدشەرلىك پۋنكت، امبۋلاتوريالار مەن ەمحانالار، 596 كلۋب پەن مادەنيەت ۇيلەرى جانە كىتاپحانالار، 175 دەنە شىنىقتىرۋ-ساۋىقتىرۋ كەشەندەرى مەن سپورت زالدارى سالىندى جانە جوندەلدى.

كولىك ينفراقۇرىلىمىن دامىتۋ بو­يىنشا 8 580 جوبانى ىسكە اسىرۋ ناتي­جە­سىندە 9 مىڭ كم كەنت ىشىندەگى جولدار جاڭ­عىرتىلدى. بيىل ىسكە اسى­رىلىپ جاتقان باعدارلامالار شەڭ­بەرىندە 566 ملرد تەڭگە سوماسىنا تۇرعىن ءۇي-كوم­مۋنالدىق شارۋاشىلىقتى، الەۋمەتتىك جانە كولىك ينفراقۇرىلىمىن دامىتۋعا باعىتتالعان 6،5 مىڭ جوبا ىسكە اسىرىلۋدا. ناتيجەسىندە، 2،5 مىڭ كم ينجەنەرلىك جەلىلەر جانە 5 مىڭ كم كەنت ىشىندەگى جولدار جاڭعىرتىلادى. 632 مەكتەپ پەن بالاباقشا، 70 دەنساۋلىق ساقتاۋ نىسانى، 300 مادەنيەت ءۇيى، كلۋب پەن كىتاپحانا، 96 دەنە شىنىقتىرۋ-ساۋىقتىرۋ كەشەنى مەن سپورت زالى سالىنادى جانە جوندەلەدى.

بيىل «اۋىل – ەل بەسىگى» جوباسى اياسىن­دا 480 اۋىلدى دامىتۋعا 106 ملرد تەڭ­گە ءبولىندى. بيىلدىڭ 1 قازا­نى­نا قار­جىلاندىرۋ جوسپارىنا سايكەس وڭىر­لەرگە 50،6 ملرد تەڭگە اۋدارىلدى، سونىڭ ىشىندە يگەرىلگەنى 48،4 ملرد تەڭگە نەمەسە 96%.

بۇگىندە كەيبىر وڭىردە اياقتالعان جوبالاردىڭ ۇلگىلەرى بار. ماسەلەن، قوس­تاناي وبلىسىنىڭ ۇزىنكول اۋىلىن­دا دەنە شىنىقتىرۋ-ساۋىقتىرۋ كەشەنى سالىندى. پاۆلودار وبلىسىنىڭ قىزىلجار اۋىلىندا اۋىسىمىنا 100 كەلۋشىگە ارنالعان دارىگەرلىك امبۋلاتوريا پايدا­لانۋعا بەرىلدى. قىزىلوردا وبلىسىندا جالاعاش اۋىلىنداعى جولدارعا ورتاشا جوندەۋ جۇمىستارى جۇرگىزىلدى. جامبىل وبلىسىندا ايشا-ءبيبى اۋىلىنداعى مەك­تەپتىڭ كۇردەلى جوندەۋ جۇمىستارى اياقتالدى. «قازىرگى تاڭدا وڭىرلەردە 400-دەن استام جوبا اياقتالدى، قالعان جوبالار جىلدىڭ سوڭىنا دەيىن اياقتالادى. جالپى، 2019-2021 جىلدارى مەملەكەتتىك باعدارلامالار بويىنشا جانە جەكە ينۆەس­تيتسيالار ەسەبىنەن اۋىلدىق اۋماق­تاردى دامىتۋعا 1،2 ترلن تەڭگە باعىت­تالدى. كەلەسى 4 جىل ىشىندە 1،3 ترلن تەڭگە بولى­نەدى، ونىڭ ىشىندە «اۋىل – ەل بەسىگى» شەڭ­بەرىندە – 670 ملرد تەڭگە»، دەدى ۇلت­تىق ەكونوميكا ءمينيسترى.

2025 جىلعا دەيىن دامۋ الەۋەتى بار 3،5 مىڭ اۋىل قامتىلىپ، وندا اۋىل تۇر­عىن­دارىنىڭ 90%-دان استامى تۇراتىن بولادى. جالپى، اۋىلدىق جەرلەردى دامىتۋ جونىندەگى كەشەندى ءتاسىل 2025 جىلى اۋىل تۇر­عىندارىنىڭ ءومىر ءسۇرۋ ساپاسى مەن ءال-اۋقاتىن ەداۋىر ارتتىرۋعا مۇمكىندىك بەرەدى.

وسىلايشا، اۋىل حالقىن سۋمەن جاب­دىقتاۋ قىزمەتتەرىمەن 100% قامتا­ماسىز ەتۋگە قول جەتكىزىلەدى. جوعارى جىل­دام­دىقتى ينتەرنەتكە قولجەتىمدىلىك بارلىق اۋىل تۇرعىندارى ءۇشىن قامتاماسىز ەتىلەدى. اۋىلدىق جەرلەردە 24 ملن شارشى مەتر تۇرعىن ءۇي پايدالانۋعا بەرىلەدى. جەرگىلىكتى ماڭىزى بار جولداردىڭ 95%-ى جاقسى جاعدايدا بولادى. 12 مىڭ شاقىرىم ينجەنەرلىك جەلىلەر سالىنادى جانە جاڭعىرتىلادى. 10 مىڭ شاقىرىم كەنت ىشىندەگى جولدار قايتا سالىنادى جانە جوندەۋمەن قامتىلادى.

ءبىلىم بەرۋدىڭ ساپاسى مەن قول­جە­تىم­دىگىن ارتتىرۋ شەڭبەرىندە اۋىل­دىق جەر­لەردە 5 مىڭ مەكتەپتى جاڭعىرتۋ جانە 315 جاڭا مەكتەپ سالۋ جوسپارلانۋ­دا. مەكتەپكە دەيىنگى تاربيەمەن جانە وقى­­تۋ­مەن 3 جاستان 6 جاسقا دەيىنگى بالا­لاردىڭ 100%-ى قامتىلادى.

1 095 وبەكتىنى سالۋ جانە جاڭعىرتۋ اۋىل­دىق جەرلەردە دەنساۋلىق ساقتاۋ جۇيەسى قىزمەتتەرىنىڭ ساپاسى مەن قول­جە­تىم­دىگىن ارتتىرۋعا مۇمكىندىك بەرەدى. اۋىل­دا سپورتپەن اينالىسۋ جانە شى­عار­ما­شى­لىقتى دامىتۋ ءۇشىن جاعداي جاساۋ ماق­ساتىندا 1 719 سپورت جانە 1،5 مىڭ ما­دەنيەت وبەكتىسى سالىنىپ، جاڭعىر­تىلادى.

اگروونەركاسىپتىك كەشەن سالاسىن­دا 4،5 ترلن تەڭگە سوماسىنا 934 ينۆەس­تي­تسيالىق جوبا ىسكە اسىرىلادى. 600 مىڭ گەكتار جاڭا سۋارمالى جەرلەردى اينالىمعا تارتۋ 70 مىڭ وتباسىلىق شا­رۋاشىلىق قۇرۋعا مۇمكىندىك بەرەدى. اۋىل شارۋاشىلىعىنداعى ەڭبەك ونىمدىلىگى 2،5 ەسە ارتادى. قايتا وڭدەلگەن ءونىمنىڭ ۇلەسىن 70%-عا دەيىن جەتكىزە وتىرىپ، اوك ونىمدەرىنىڭ ەكسپورتى 2 ەسەگە ارتادى. 7 ءىرى جۇيەنىڭ ەكوجۇيەسىن قالىپتاستىرۋ ەسەبىنەن 1 ملن اۋىل تۇرعىنىنىڭ تابىسىن تۇراقتى ارتتىرۋ قامتاماسىز ەتىلەدى. 500 مىڭ جۇمىس ورنى قۇرىلادى.

ماسەلەنى قورىتىندىلاعان ۇكىمەت باس­شىسى اسقار مامين 2019 جىلى باس­تالعان «اۋىل – ەل بەسىگى» جوباسىنىڭ نەگىزگى ماقساتى – اۋىلداعى ءومىر ءسۇرۋ ساپاسىن جاقسارتۋ، اۋىلدىق اۋماقتاردىڭ ينفراقۇرىلىمىن جاڭعىرتۋ، ولاردى جاڭا وڭىرلىك ستاندارتتارعا دەيىن جەت­كىزۋ ەكەنىن ەسكە سالدى. جوباعا 6،9 ملن ادام نەمەسە اۋىل حالقىنىڭ
89%-ى تۇراتىن 3 561 پەرسپەكتيۆالى اۋىل ىرىكتەلىپ الىندى. 2019-2020 جىلدارى تكش، كولىك، ءبىلىم بەرۋ، دەنساۋلىق ساقتاۋ، مادەنيەت جانە سپورت سالالارىندا «اۋىل – ەل بەسىگى» جوباسى شەڭبەرىندە، سونداي-اق جۇمىسپەن قامتۋدىڭ جول كارتاسىن،  «نۇرلى جول» جانە «نۇرلى جەر» باعدارلامالارىن ەسكەرە وتىرىپ، سوماسى 618 ملرد تەڭگە بولاتىن 12 مىڭ جوبا ىسكە اسىرىلدى.

بيىل «اۋىل – ەل بەسىگى» جوباسىن ىسكە اسىرۋ شەڭبەرىندە پاۆلودار، قوستاناي، جامبىل، شىعىس قازاقستان وبلىستارى كوش باستاپ تۇر. الماتى، قىزىلوردا جانە اتىراۋ وبلىستارى جوبالاردى ىسكە اسىرۋدىڭ تومەن قارقىنىن كورسەتىپ وتىر.

الداعى 5 جىلدا «اۋىل – ەل بەسىگى» جوباسىن قارجىلاندىرۋ كولەمى 800 ملرد تەڭگەگە دەيىن ۇلعايدى، ال بارلىق قارجى كوزدەرىن ەسكەرە وتىرىپ، اۋىلداردى جاڭعىرتۋعا 1،3 ترلن تەڭگە جوسپارلانعان. 2025 جىلى اۋىلدىق جەرلەردە سۋمەن جابدىقتاۋ قىزمەتتەرىمەن 100% قامتاماسىز ەتۋگە قول جەتكىزىلەدى، 10 مىڭ كم كەنتىشىلىك جولداردىڭ جاي-كۇيى جاقسارتىلادى، 12 مىڭ كم ينجەنەرلىك جەلىلەر، بىرنەشە مىڭداعان الەۋمەتتىك ينفراقۇرىلىم نىساندارى سالىنادى جانە جوندەلەدى، 5 مىڭ اۋىل مەكتەبى جاڭعىرتىلادى.

اوك سالاسىندا 4،5 ترلن تەڭگە سوماسىنا 1 مىڭعا جۋىق جوبا ىسكە اسىرىلادى. اۋىل شارۋاشىلىعىنداعى ەڭبەك ونىمدىلىگى 2،5 ەسە ارتادى، قايتا وڭدەلگەن ءونىمنىڭ ۇلەسىن 70%-عا دەيىن جەتكىزە وتىرىپ، اوك ونىمدەرىنىڭ ەكسپورتى 2 ەسە ارتادى. 1 ملن اۋىل تۇرعىنى ءوز تابىسىن ارتتىرادى، اۋىل شارۋاشىلىعىندا 500 مىڭ جۇمىس ورنى قۇرىلادى. «اۋىل – ەل بەسىگى» جوباسىنىڭ ءىس-شارالارىن ىسكە اسىرۋ اۋىل حالقىنىڭ ءومىر ءسۇرۋ ساپاسىن ەداۋىر جاقسارتادى جانە اۋىلداردى دامىتۋعا جاڭا سەرپىن بەرەدى»، دەدى ا.مامين.

ۇكىمەت باسشىسى اۋىلدىق اۋماقتاردى دامىتۋدىڭ كەشەندى جانە بىرىڭعاي ءتاسىلىن، 2025 جىلعا قاراي نىسانالى ينديكاتورلارعا قول جەتكىزۋدى، سونداي-اق اۋىلدىق جەرلەردە كرەديت قاراجاتىنا قاجەتتىلىكتىڭ ۇلعايۋىن ەسكەرە وتىرىپ، اوك-ءتى تۇراقتى قارجىلاندىرۋدى قامتاماسىز ەتۋدى تاپسىردى.

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار