اۋىل • 19 قازان، 2021

قاراعاندى وبلىسىنىڭ ءۇش اۋىلى قازاقستاننىڭ «30 ۇزدىك اۋىلى» جوباسىنا ەندى

86 رەت كورسەتىلدى

قاراعاندى وبلىسى نۇرا اۋدانىنىڭ شاحتەرسكوە، قاينار جانە جاڭاارقا اۋدانىنىڭ ەراليەۆ اتىنداعى اۋىلدارى «30 ۇزدىك اۋىل» قاتارىندا، دەپ حابارلايدى Egemen.kz.

جوبا قازاقستان تاۋەلسىزدىگىنىڭ 30 جىلدىعىنا وراي «تۇلعا-دوستىق» قوعامدىق بىرلەستىگىنىڭ باستاماسىمەن جۇزەگە اسىرىلدى. ونىڭ اياسىندا ەلىمىزدىڭ ۇزدىك اۋىلدارىنىڭ سۋرەتتەرى مەن اقپاراتتارى ەنگىزىلگەن البوم-انىقتامالىق شىعارىلدى.

جوبا اۆتورى – اقىن، قر جازۋشىلار وداعىنىڭ مۇشەسى جانە «تۇلعا-دوستىق» قوعامدىق بىرلەستىگىنىڭ جەتەكشىسى مۇراتحان شوقان.

«بيىل قازاقستاننىڭ تاۋەلسىزدىگىنە 30 جىل تولادى. مەملەكەت باسشىسى قاسىم-جومارت توقاەۆ ايتۋلى مەرەيتويعا وراي ويىن-ساۋىق سيپاتىندا عانا ەمەس، وزىنەن كەيىن دە تەرەڭ ءىز قالدىراتىن ەرەكشە جوبالار جاساۋدى تاپسىردى. وسىلايشا مەندە «30 ۇزدىك اۋىل» جوباسىن قۇرۋ يدەياسى پايدا بولدى. مەن 14 وبلىستىڭ اكىمدىكتەرىنە جۇگىندىم، ولار ماعان ەڭ پەرسپەكتيۆالى اۋىلداردىڭ ءتىزىمىن بەردى. جاز بويى مەن ولاردى ارالاپ شىقتىم، ولاردىڭ دامۋىن ءوز كوزىممەن باعالاپ، فوتوسۋرەتتەر مەن باسقا دا ماتەريالدار جينادىم. باعالاۋ ءۇشىن حالىقارالىق ولشەمدەر قولدانىلدى»، دەپ اتاپ ءوتتى مۇراتحان شوقان.

اۆتوردىڭ پىكىرىنشە، ۇزدىك وتىزدىققا قاراعاندى وبلىسىنىڭ ءۇش اۋىلى – شاحتەرسكوە، نۇرا اۋدانىنىڭ قاينار جانە جاڭاارقا اۋدانىنىڭ ەراليەۆ اتىنداعى اۋىلدارى دا كىردى.

«بۇل اۋىلداردا جايلى تۇرۋ ءۇشىن بارلىق جاعداي جاسالعان. مىسالى، شاحتەرسكي اۋىلىندا جەرگىلىكتى كاسىپكەر جانە مەتسەنات گەورگي پروكوپ باسسەين مەن باسقا دا نىسانداردى سالۋعا كومەكتەستى. ول ءوزىنىڭ تۋعان اۋىلىنىڭ عانا ەمەس، جالپى اۋداننىڭ، ءتىپتى وبلىستىڭ دامۋىنا باعا جەتپەس ۇلەس قوسادى. جاڭاارقا اۋدانىنىڭ ەراليەۆ اۋىلى گيننەستىڭ رەكوردتار كىتابىنا ەندى - وندا وندىرىلەتىن قىمىز بارىنە بەلگىلى. بۇل ەلدى مەكەندە ەرەكشە، دوستىق اتموسفەرا سەزىلەدى، تۇرعىندار ۇلتتىق سالت-داستۇرلەرگە قۇرمەت كورسەتەدى»، دەدى اقىن.

جوبا تۋعان ولكەنىڭ دامۋىنا باعا جەتپەس ۇلەس قوسقان كورنەكتى اۋىل تۇرعىندارى تۋرالى باياندايدى.

ء«بىز بىرلەسىپ قانا اۋىلداعى ءومىردى جاقسارتا الامىز. انىقتامالىق البومنىڭ تۇساۋكەسەرى 16 قازاندا قر ۇلتتىق اكادەميالىق كىتاپحاناسىندا ءوتتى. البوم دەمەۋشىلەردىڭ قولداۋىمەن شىعارىلدى. تارالىمى - 2 مىڭ دانا. جاقىن ارادا ونىڭ ەلەكتروندى نۇسقاسى جاسالادى. بۇدان باسقا، بولاشاقتا مەن نۇر-سۇلتاندا «30 ۇزدىك اۋىل» اللەياسىن قۇرعىم كەلەدى، وندا ءاربىر ادام ءوز باستاۋلارىنا قول جەتكىزە الادى، ويتكەنى ءبىز ءبارىمىز اۋىلدان شىققانبىز. QR-كودتاردى سكانەرلەي وتىرىپ، قانداي دا ءبىر اۋىل تۋرالى اقپارات الۋعا جانە ونىڭ ومىرىمەن تانىسۋعا بولادى»، دەپ قوستى جوبا اۆتورى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار