تاعايىنداۋ • 19 قازان، 2021

يدم قۇرىلىس جانە تكش ىستەرى كوميتەتى توراعاسىنىڭ ورىنباسارى تاعايىندالدى

54 رەت كورسەتىلدى

باقىتجان امانجول ۇلى قاشاقوۆ قر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى بولىپ تاعايىندالدى، دەپ حابارلايدى Egemen.kz يدم-نىڭ ءباسپاسوز قىزمەتىنە سىلتەمە جاساپ.

ول قازاق-امەريكا ۋنيۆەرسيتەتىندە «قارجى جانە نەسيە» ماماندىعى، ديكينسون مەملەكەتتىك ۋنيۆەرسيتەتىندە «ىسكەرلىك اكىمشىلەندىرۋ» ماماندىعى، م.ح. دۋلاتي اتىنداعى تاراز ۋنيۆەرسيتەتىندە «مەحنيكا جانە تەحنولوگيالار باكالاۆرى» ماماندىعى بويىنشا ءبىلىم العان. 

ەڭبەك جولىن 2003 جىلى «تەررا حولدينگ لتد» جشس ديرەكتورىنىڭ قارجى ماسەلەلەرى جونىندەگى ورىنباسارى بولىپ باستاعان.

الماتى قالاسى مەدەۋ اۋدانى بويىنشا سالىق كوميتەتىنىڭ زاڭدى تۇلعالار ءاۋديتى ءبولىمىنىڭ جەتەكشى سالىق ينسپەكتورى، قر قارجى مينيسترلىگى سالىق كوميتەتىنىڭ حالىقارالىق سالىق سالۋ باسقارماسىنىڭ باس ساراپشىسى، قۇرىلىس جانە تكش ىستەرى اگەنتتىگىنىڭ تۇرعىن ءۇي قۇرىلىسى دەپارتامەنتىنىڭ ۆەدومستۆولىق باعىنىستى قارجى ۇيىمدارىمەن جۇمىس باسقارماسىنىڭ باستىعى بولىپ جۇمىس ىستەدى. 

قر وڭىرلىك دامۋ مينيسترلىگىنىڭ ساۋلەت، قالا قۇرىلىسى جانە قۇرىلىس دەپارتامەنتىنىڭ قۇرىلىس جانە قارجى ينستيتۋتتارىمەن جۇمىس باسقارماسىن، كەيىن قر ۇلتتىق ەكونوميكا مينيسترلىگى قۇرىلىس، تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتىنىڭ تۇرعىن ءۇي قۇرىلىسى جانە تۇرعىن ءۇي-كوممۋنالدىق شارۋاشىلىعىنداعى ەكونوميكالىق تالداۋ باسقارماسىن باسقاردى.

2016-2019 جىلدارى قر ينۆەستيتسيالار جانە دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى بولىپ قىزمەت ەتتى.  

جاڭا قىزمەتكە تاعايىندالعانعا دەيىن ماڭعىستاۋ وبلىسى اكىمىنىڭ ورىنباسارى بولىپ جۇمىس ىستەدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار