ەكونوميكا • 19 قازان، 2021

قازاقستاندىقتار بيىل 23 مىڭعا جۋىق التىن قۇيماسىن ساتىپ الدى

89 رەت كورسەتىلدى

2021 جىلدىڭ قاڭتار-قىركۇيەك ايلارىندا ەكىنشى دەڭگەيلى بانكتەر مەن بانكتىك ەمەس ايىرباستاۋ پۋنكتەرىنەن جالپى سالماعى 822،9 كگ ولشەنگەن 22 837 قۇيما ساتىلدى. قىركۇيەك ايىندا وتكەن 2 578 قۇيمانىڭ جالپى سالماعى – 108،3 كگ، دەپ حابارلايدى Egemen.kz.

بۇل تۋرالى ۇلتتىق بانكتىڭ ءباسپاسوز قىزمەتى مالىمدەدى.

حالىق ءۇشىن تازارتىلعان التىن قۇيمالارىن ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوسقان بولاتىن. باعدارلاما ىسكە قوسىلعاننان بەرى جالپى سالماعى 2،4 ت. 65 416 التىن قۇيما ساتىلدى. التىن قۇيمالاردىڭ بەس ءتۇرى ساتىلادى: 5،10،20،50 جانك 100 گ سالماقتاعى قۇيمالار.

ال ساتىپ الۋشىلار اراسىندا ەڭ كوپ سۇرانىسقا يە قۇيما – 10 گرامدىق قۇيما. ونىڭ جالپى ساتىلىم كولەمىندەگى ۇلەسى - 29% نەمەسە 18 672 دانا. ودان كەيىن حالىق كوپ سۇرايتىن قۇيما ءتۇرى – سالماعى 100 گرامدىق قۇيما. باعدارلاما باستالعاننان بەرى 15 001 دانا (23%) ساتىلدى، كەيىن 20 گراممدىق قۇيمادان – 12 750 دانا (19%)، 5 گراممدىق قۇيمادان – 10 933 دانا (17%)، 50 گراممدىق قۇيمادان – 8 000 (12%) دانا ساتىلدى.

كوبىنە التىن قۇيمالار الماتى، نۇر-سۇلتان جانە اتىراۋ قالالارىنىڭ تۇرعىندارى اراسىندا سۇرانىسقا يە. جالپى، التىن قۇيمالار ينۆەستيتسيانىڭ سەنىمدى قۇرالى بولا الادى.

التىن قۇيمالار نارىعىنداعى جوعارى ساتىلىمدى قامتاماسىز ەتەتىن باستى فاكتورلاردىڭ ءبىرى – ەكىنشى دەڭگەيلى بانكتەر مەن بانكتىك ەمەس ۇيىمدار تۇتىنۋشىعا اقشانى تاپسىرعان كۇنى تولەپ، التىن قۇيمانى كەرى ساتىپ الا الادى.

باعدارلاما ىسكە قوسىلعاننان بەرى ۇلتتىق بانكتىڭ اۋماقتىق فيليالدارى جالپى سالماعى 21،9 كگ ولشەنگەن 229 قۇيمانى كەرى ساتىپ الۋعا قابىلدادى. سولاي بولا تۇرا، ەكىنشى دەڭگەيلى بانكتەر مەن جەكەلەگەن بانكتىك ەمەس ايىرباستاۋ پۋنكتەرى جالپى سالماعى 236،9 كگ ولشەنگەن 9 484 قۇيمانى كەرى ساتىپ العان، بۇل جالپى قۇيمالاردىڭ 14%-ىن قۇرايدى.

قابىلدانعان قۇيمالاردىڭ بارلىعى دەرلىك ۇلتتىق بانكتىڭ اۋماقتىڭ فيليالدارىنا قايتارىلماستان حالىققا ساتىلادى.

ءاربىر التىن قۇيما ونى قورعاپ تۇراتىن ەلەمەنتتەرمەن (قۇيمالاردىڭ بەتى قاپتالىپ، ميكروتەكسي جازىلادى جانە رەلەفت جيەگى سالىنادى) جانە ارنايى قوراپقا سالىنىپ جاسالادى، قوراپ قۇيمانى مەحانيكالىق تۇرعىدا قورعايدى، ءارى قوراپ اشىلعان-اشىلماعانىن وڭاي تەكسەرۋگە بولادى. قوراپ، سونداي-اق، ساپا سەرتيفيكاتىنا دا جاۋاپ بەرەدى.

سوندىقتان قۇيمانى دۇرىس ساقتاپ، قورابىن بۇلدىرمەگەن ءجون. قازىرگى تاڭدا التىن قۇيمالاردى Halyk Bank، ەۋرازيالىق بانك، Jusan Bank، بانكتسەنتركرەديت جانە بانكتىك ەمەس ايىرباستاۋ پۋنكتەرىنەن ساتىپ الۋعا جانە كەرى ساتۋعا بولادى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار