قازاقستان • 19 قازان، 2021

قازگيدرومەت الداعى قىسقا بولجام جاسادى

1371 رەت كورسەتىلدى

«قازگيدرومەت» رمك 2021 جىلعى قاراشا - 2022 جىلعى ناۋرىز ايلارىنا كونسۋلتاتيۆتىك ماۋسىمدىق اۋا رايى بولجامىن جاريالادى، دەپ حابارلايدى Egemen.kz.

ايدىڭ ءبىرىنشى جارتىسى جىلى بولادى دەپ بولجانىپ وتىر - قازاقستاننىڭ سولتۇستىك جارتىسىندا اۋا تەمپەراتۋراسى تۇندە -3+2°س-تان -8-13°س-قا دەيىن، كۇندىز +3+10°س-تان -2+3°س-قا دەيىن اۋىتقۋى مۇمكىن.

رەسپۋبليكانىڭ سولتۇستىگىندە، سولتۇستىك-باتىسىندا، شىعىسىندا جانە ورتالىعىندا ەكپىندى جەل سوعىپ، جاۋىن-شاشىن (كوبىنەسە قار تۇرىندە) بولادى، ونكۇندىكتىڭ سوڭىندا جيىلەيدى. كوكتايعاق پەن تۇمان ءبىر اي بويى ءجيى بايقالادى.

ايدىڭ ەكىنشى جارتىسىنىڭ ەڭ سۋىق كۇندەرىندە تەرمومەتر باعاناسى تۇندە -17-25°س-قا دەيىن، كۇندىز -8-13°س-قا دەيىن، ال ەلىمىزدىڭ شىعىسىندا تۇندە -30°س-قا دەيىن، كۇندىز -18°س-قا دەيىن تومەندەيدى.

ەلىمىزدىڭ باتىسى، وڭتۇستىگى مەن وڭتۇستىك-شىعىسىندا جاۋىن-شاشىن بولادى، جاڭبىر ارالاس قار جاۋادى.

ەڭ جىلى كۇندەرى ايدىڭ ءبىرىنشى جارتىسىندا بولجانادى، كۇندىز اۋا تەمپەراتۋراسى +10+18°C-قا دەيىن جوعارىلاۋى مۇمكىن، الايدا قاراشانىڭ ەكىنشى جارتىسىندا تەمپەراتۋرا فونى تۇندە -5-17°C، كۇندىز -2-7°C-قا دەيىن تومەندەيدى. ءۇشىنشى ونكۇندىكتە كۇن قايتادان جىلىنادى.

قازاقستاندا 2021-2022 جىلدار ارالىعىندا قىس كليماتتىق نورماعا جۋىق بولادى دەپ كۇتىلەدى.

جەلتوقساندا cولتۇستىك ايماقتاردا قارلى بوراندى كۇندەر كوپ بولسا، وڭتۇستىك ايماقتاردا تۇمان مەن كوكتايعاق ءجيى بايقالادى.

جەلتوقسان ايىندا جاۋىن-شاشىن مولشەرى رەسپۋبليكانىڭ باسىم بولىگىندە نورمادان از، ەلىمىزدىڭ سولتۇستىك جارتىسى مەن شىعىسىندا نورما شاماسىندا، ەلدىڭ قيىر سولتۇستىگىندە نورمادان كوپ بولادى دەپ بولجانادى.

قاڭتار - جىلدىڭ ەڭ سۋىق ايى، ويتكەنى موڭعوليا ايماعىنان انتيتسيكلونىنىڭ اسەرى كۇشەيە تۇسەدى. تۇنگى ساعاتتاردا تەرمومەتر باعانى ەلدىڭ سولتۇستىك جارتىسىندا -35-40°س-قا دەيىن، وڭتۇستىگىندە -22-30°س-قا دەيىن تومەندەۋى مۇمكىن.

ورتاشا ايلىق اۋا تەمپەراتۋراسى رەسپۋبليكا اۋماعىنىڭ باسىم بولىگىندە نورمادان 1-2° تومەن، ەلىمىزدىڭ قيىر باتىسىندا، وڭتۇستىك-باتىسىندا، سولتۇستىگىندە، وڭتۇستىگىندە جانە وڭتۇستىك-شىعىسىندا نورما شاماسىندا بولادى. رەسپۋبليكا بويىنشا جاۋىن-شاشىن مولشەرى كوپجىلدىق نورمادان از، ەلىمىزدىڭ قيىر سولتۇستىك-باتىسىندا، سولتۇستىك-شىعىسىندا جانە الماتى وبلىسىنىڭ وڭتۇستىك-شىعىسىندا نورما شاماسىندا بولجانادى.

اقپان قىس مەزگىلىن اياقتايدى، بىراق ونىڭ كليماتتىق سيپاتتارى مەن اينالىم ەرەكشەلىكتەرى قاڭتارعا وتە جاقىن بولماق. قار مەن بوران قازاقستاننىڭ سولتۇستىك جارتىسىندا ساقتالادى. ورتاشا ايلىق اۋا تەمپەراتۋراسى ەل اۋماعىنىڭ باسىم بولىگىندە نورما شاماسىندا، رەسپۋبليكانىڭ وڭتۇستىك-شىعىسىندا نورمادان 1° جوعارى بولادى دەپ بولجانۋدا.

جاۋىن-شاشىن رەسپۋبليكانىڭ باسىم بولىگىندە نورما شاماسىندا، ەلىمىزدىڭ وڭتۇستىك-باتىس جارتىسىندا، ورتالىق قازاقستاننىڭ باتىسىندا نورمادان از، رەسپۋبليكامىزدىڭ وڭتۇستىگى مەن وڭتۇستىك-شىعىسىنىڭ تاۋلى جانە تاۋ بوكتەرىندەگى اۋداندارىندا نورمادان كوپ بولجانادى.

قازاقستاننىڭ وڭتۇستىگى ءۇشىن ناۋرىز - ادەتتەگى كوكتەم ايى، ال سولتۇستىك وبلىستاردا قىس ءالى دە جالعاسۋدا. ناۋرىزدا اۋا-رايى قاتتى وزگەرەدى. ناۋرىز ايى اۋا تەمپەراتۋراسىنىڭ كۇرت اۋىتقۋىمەن جانە ءجيى جاۋىن-شاشىننىڭ جاۋىمەن سيپاتتالادى. بولجام بويىنشا كوكتەمنىڭ العاشقى ايى سۋىق بولادى. قازاقستان اۋماعىنىڭ باسىم بولىگىندە ورتاشا ايلىق اۋا تەمپەراتۋراسى نورمادان 1-2° تومەن، ال قر-نىڭ قيىر باتىسىندا نورما شاماسىندا بولادى دەپ كۇتىلۋدە.

ناۋرىزدا جاۋىن-شاشىن مولشەرى رەسپۋبليكانىڭ سولتۇستىك جارتىسىندا جانە قيىر وڭتۇستىگىندە، وڭتۇستىك-شىعىسىندا نورما شاماسىندا، ەلدىڭ وڭتۇستىك جارتىسىندا نورمادان از بولادى دەپ بولجانادى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار