ونەر • 19 قازان، 2021

ەلوردادا «مۇقاعالي» ءفيلمىنىڭ تۇساۋكەسەرى ءوتتى

143 رەت كورسەتىلدى

نۇر-سۇلتان قالاسىندا بەلگىلى رەجيسسەر بولات قالىمبەتوۆتىڭ «مۇقاعالي» فيلمءىءنىڭ تۇساۋكەسەرى ءوتءتى. اتالعان كينوتۋىندى قازاننىڭ 21-ءشى جۇلدىزىندا ۇلتتىق پروكاتقا شىعادى، دەپ حابارلايدى Egemen.kz.

قازاقتىڭ اقيىق اقىنى مۇقاعالي ماقاتاەۆتىڭ 90 جىلدىعىنا وراي قر مادەنيەت جانە سپورت مينيسترلىگىنىڭ تاپسىرىسى بويىنشا شاكەن ايمانوۆ اتىنداعى «قازاقفيلم» اق جارىققا شىعارعان كينوتۋىندى اقىن ءومىرىنىڭ سوڭعى جىلدارى تۋرالى باياندايدى.

ءفيلمنىڭ تۇساۋكەسەرىنە قر مادەنيەت جانە سپورت ۆيتسە-ءمينيسترى نۇرقيسا داۋەشوۆ، ش.ايمانوۆ اتىنداعى «قازاقفيلم» كينوستۋدياسىنىڭ پرەزيدەنتى اقان ساتاەۆ، ءفيلمنىڭ رەجيسسەرى بولات قالىمبەتوۆ، كارتينانىڭ تەڭ ستسەناري اۆتورى جۇسىپبەك قورعاسبەك، باستى ءرولدى سومداعان اكتەر اسلانبەك جانبالاەۆ، قويۋشى سۋرەتشى ەرمەك وتەگەنوۆ، سونداي-اق ەلىمىزدىڭ مەملەكەت جانە قوعام قايراتكەرلەرى، ۇلت زيالىلارى قاتىستى.

«قازاقفيلمنىڭ» پرەزيدەنتى اقان ساتاەۆ ءفيلمنىڭ ءتۇسىرۋ توبى مەن استانالىقتاردى تۇساۋكەسەرمەن قۇتتىقتاپ، بۇل كورسەتىلىم پاندەميا باستالعالى بەرى نۇر-سۇلتاندا وتكىزىلىپ جاتقان كينوستۋديانىڭ العاشقى مادەني ءىس-شارالاردىڭ ءبىرى ەكەنىن ايتتى.

ءفيلمنىڭ ستسەناريىن بەلگىلى جازۋشى جۇسىپبەك قورعاسبەك رەجيسسەر بولات قالىمبەتوۆ جانە عازيز ناسىروۆپەن بىرگە جازدى.

«مۇقاعالي – ءبىزدىڭ ۇلتتىق ماقتانىشىمىز. ول – قازاق پوەزياسىنا شەكسىز كەڭىستىك پەن بۇرىن-سوڭدى بولماعان بيىكتەردى اكەلگەن اقىن. تاعدىر ونى ءومىردىڭ تۇڭعيىعىنان تاستاپ، ابدەن سىنادى. بىراق ول بارلىق سىناقتاردى تاباندىلىقپەن جەڭىپ، تىزە بۇكپەستەن قابىلدادى. ارينە، مەن دە ونىڭ شىعارماشىلىعىمەن بالا كەزىمنەن تانىسپىن. ونىڭ شىعارمالارى ماعان ومىردە بىرنەشە رەت كومەكتەستى، باعىت بەردى، ءۇمىت سىيلادى. مۇقاعالي ماقاتاەۆ تۋرالى فيلم ءتۇسىرۋ يدەياسى 15 جىلدان استام ۋاقىت بويى كوكەيىمدە ءجۇردى. وسى ۋاقىت ىشىندە مەن ول تۋرالى اقپارات جيناپ، اقىننىڭ كوزىن كورگەن جاندارمەن كەزدەستىم»، دەدى كارتينانىڭ رەجيسسەرى بولات قالىمبەتوۆ.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار