ۇكىمەت • 19 قازان، 2021

توعجانوۆ ۆاكتسيناتسيا قارقىنىن كەشىكتىرگەن باسشىلارعا شارا قولدانۋدى ۇسىندى

1005 رەت كورسەتىلدى

قر پرەمەر-ءمينيسترىنىڭ ورىنباسارى ەرالى توعجانوۆ ۆاكتسيناتسيا قارقىنىن كەشىكتىرگەن اكىمدەردىڭ ورىنباسارلارىنا تارتىپتىك شارا قولدانۋدى ۇسىندى، دەپ حابارلايدى Egemen.kz.

«1 قىركۇيەكتەن بەرى ۆاكتسينالاۋ جوسپارىنىڭ ەڭ تومەنگى ورىندالۋى 10-13 پايىز كولەمىندە نۇر-سۇلتان قالاسى مەن ماڭعىستاۋ، قوستاناي وبلىستارىندا بايقالىپ وتىر. ۆەدومستۆوارالىق كوميسسيا وتىرىستارىندا وڭىرلەرگە ۆاكتسيناتسيا قارقىنىن جەدەلدەتۋ تۋرالى بىرنەشە مارتە تاپسىرما بەرىلگەن بولاتىن. بىراق ول تاپسىرما قاجەتتى دەڭگەيدە ورىندالىپ جاتقان جوق»، دەگەن ۇكىمەت باسشىسىنىڭ ورىنباسارى اكىمدىكتەردىڭ جاۋاپكەرشلىگىن كۇشەيتەتىن ناقتى شارالاردى ۇسىندى.

«وسىعان بايلانىستى ءوڭىر اكىمدەرىنە ۆاكتسيناتسيانى ۇيىمداستارۋ بويىنشا شىعىس قازاقستان وبلىسىنىڭ ۇلگىسىمەن تۇبەگەيلى شەشىمدەر قابىلداۋ كەرەك دەپ ەسەپتەيمىز. ۆاكتسيناتسيا جوسپارىنىڭ ورىندالماعانى ءۇشىن اكىمدىك باسشىلارىنىڭ جەكە باسىمەن جاۋاپتى ەكەنىن بەكىتۋ قاجەت. ەگەر ۆاتسينالاۋ بويىنشا وڭ ديناميكا بايقالماسا، وسى سالانى ۇيلەستىرەتىن اكىمدەردىڭ ورىنباسارالارىنا تارتىپتىك سيپاتتاعى شارا قولدانعان ءجون دەپ ەسەپتەيمىز»، دەدى ەرالى توعجانوۆ.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار