كوروناۆيرۋس • 19 قازان، 2021

قازاقستاندا كارانتيندىك شەكتەۋلەر جەڭىلدەيدى

598 رەت كورسەتىلدى

قر دەنساۋلىق ساقتاۋ ءمينيسترى الەسەي تسوي ۇكىمەت وتىرىسىندا 20 قازاننان باستاپ قازاقستاندا كارانتين شارالارى جەڭىلدەيتىنىن ايتتى، دەپ حابارلايدى Egemen.kz.

«ەپيدەميولوگيالىق جاعدايدىڭ تۇراقتانۋىن، سونداي-اق ۆەدومستۆوارالىق كوميسسيانىڭ ۆاكتسيناتسياعا جاتاتىن كونتينگەنتتىڭ 70%-دان استامىن ەكپەمەن قامتىعانىن ەسكەرە وتىرىپ، 2021 جىلعى 20 قازاننان باستاپ مىناداي شارالارعا رۇقسات بەرۋ تۋرالى شەشىم قابىلداندى:

كەلۋشىلەر COVID-19-عا قارسى ۆاكتسيناتسيالاۋدىڭ تولىق كۋرسىن العانى تۋرالى قۇجاتتى نەمەسە پتر انىقتاماسىن ۇسىنعان كەزدە قارتتار مەن مۇگەدەكتەر ءۇيى، بالالار ءۇيى سياقتى مەديتسينالىق-الەۋمەتتىك وبەكتىلەردىڭ پاتسيەنتتەرىنە بارۋعا رۇقسات بەرىلەدى»، دەدى ۆەدومستۆو باسشىسى.

سونداي-اق ول تۇنگى كلۋبتاردىڭ قىزمەتى تەك «جاسىل» مارتەبەسى بار ادامدارعا ارنالاتىنىن ەسكەرتتى.

«ولاردىڭ تولىمدىلىعى 50%-عا دەيىن، بىراق «جاسىل ايماقتا» 100 ادامنان ارتىق ەمەس، «سارى ايماقتا» 70 ادامنان ارتىق ەمەس، «قىزىل ايماقتا» 50 ادامنان ارتىق ەمەس بولۋى شارت.

Ashyq جوباسىنا قاتىساتىن بيزنەس وبەكتىلەرىنىڭ جۇمىس ۋاقىتى «جاسىل ايماقتا» ساعات 03-00-گە دەيىن، Ashyq جوباسىنىڭ كوشباسشىلارى - ساعات 05-00-گە دەيىن، «سارى ايماقتا» ساعات 01-00-گە دەيىن، Ashyq جوباسىنىڭ كوشباسشىلارى - ساعات 03-00-گە دەيىن ۇزارتىلادى»، دەدى مينيستر.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار