وسىلايشا 160 مىڭ ازامات تۇماۋعا قارسى ەكپە الدى.
ەسكە سالا كەتسەك, ەلوردادا تۇماۋعا قارسى ۆاكتسيناتسيا 15 قىركۇيەكتەن باستالىپ, ءبىر ايعا سوزىلعان بولاتىن.
«تۇماۋعا قارسى ۆاكتسيناتسيانىڭ ارقاسىندا بىزدە حالىقتىڭ وسال توپتارى اراسىندا قالىپتاسقان يممۋنيتەت بار. بۇل ساناتقا بالالار, جۇكتى ايەلدەر, سوزىلمالى اۋرۋلارى بار ادامدار, مەديتسينا قىزمەتكەرلەرى, سونداي-اق جابىق ۇلگىدەگى مەكەمەلەر (بالالار ءۇيى, مەكتەپ ينتەرناتتارى, بالالار/مۇگەدەكتەر ينتەرناتتارى), قارتتار جانە مۇگەدەكتەر ۇيلەرىندەگى ادامدار جاتادى. ءبىز ۆاكتسينانىڭ 160 مىڭ دوزاسىن ازاماتتاردى ۆاكتسيناتسيامەن قامتۋ ءۇشىن قولداندىق», دەيدى قالالىق دەنساۋلىق ساقتاۋ باسقارماسىنىڭ بمسك ءبولىمىنىڭ باسشىسى اينۇر تولەۋوۆا.
ۆاكتسيناتسيا ايىنىڭ قورىتىندىسى بويىنشا 28 مىڭنان استام بالا, 6 مىڭنان استام جۇكتى ايەل, مەديتسينا قىزمەتكەرلەرىنىڭ 100%-ى تۇماۋعا قارسى ەكپە الدى. بۇل ساناتتاعى ادامدار تەگىن ەگىلدى.
