يپوتەكالىق نەسيە راسىمدەۋشىلەردىڭ باسىم كوبى الماتى (23,2 پايىز) مەن نۇر-سۇلتان (28,6 پايىز) قالالارىنان ەكەن. قارجى نارىعىن رەتتەۋ جانە دامىتۋ اگەنتتىگىنىڭ مالىمدەۋىنشە, سوڭعى جىلدارى يپوتەكالىق كرەديت بەرۋ كولەمىنىڭ ايتارلىقتاي ۇلعايۋىنا قاراماستان, ونىڭ ىشكى جالپى ونىمگە قاتىناسى (3,8 پايىز) ەاەو-عا قاتىسۋشى ەلدەردەن ايتارلىقتاي تومەن. مۇنداي كورسەتكىش رەسەيدە – 9,5, بەلارۋستە – 6,7, ارمەنيادا 6,7 پايىزدى قۇرايدى ەكەن.
ۇلتتىق بانك ۇسىنعان اقشا-نەسيە ستاتيستيكاسىنا ءمان بەرسەك, بيىل قاڭتار-تامىز ايلارىندا جاڭادان بەرىلگەن يپوتەكالىق قارىزدار كولەمى 2020 جىلدىڭ سول كەزەڭىمەن سالىستىرعاندا 2,1 ەسە, 1 032 ملرد تەڭگەگە دەيىن وسكەن. بۇل 2020 جىلى بەرىلگەن قارىزداردىڭ جىلدىق كولەمىنەن 6,6 پايىزعا جوعارى ەكەن (2020 جىلى 967,7 ملرد تەڭگە بولعان). يپوتەكالىق قارىزداردىڭ وسە تۇسۋىنە زەينەتاقى قورىنداعى جيناقتاردى مەرزىمىنەن بۇرىن پايدالانۋ شاراسى دا وڭتايلى اسەر ەتكەن. ازاماتتاردىڭ ءبىرازى يپوتەكامەن ءۇي الۋ ءۇشىن زەينەتاقى جيناعىنداعى قاراجاتتى العاشقى جارنا رەتىندە پايدالانعان ەدى.
«بجزق» اق دەرەكتەرى بويىنشا بيىل 5 قازاندا 1,9 ترلن تەڭگە تۇرعىن ءۇي ماسەلەسىن شەشۋگە باعىتتالسا, ونىڭ ىشىندە 198,7 ملرد تەڭگە (11 پايىز) يپوتەكا الۋ ءۇشىن باستاپقى جارنا سالۋعا جۇمسالىپتى. ال يپوتەكالىق قارىز بويىنشا بەرەشەكتى ىشىنارا/تولىق وتەۋگە 296,4 ملرد تەڭگە (16 پايىز) كەتكەن.
«بۇل رەتتە 1,3 ترلن تەڭگە كولەمىندەگى (70 پايىز) زەينەتاقى تولەمى باسپانا ساتىپ الۋعا جىبەرىلىپ, بۇل جىلجىمايتىن م ۇلىك باعاسىنا قىسىم كورسەتتى. 2021 جىلدىڭ باسىنان بەرى باستاپقى تۇرعىن ءۇي باعاسى – 11,7, قايتالاما تۇرعىن ءۇي باعاسى 19,5 پايىزعا ءوستى. مەملەكەتتىك تۇرعىن ءۇي باعدارلامالارىنىڭ ىقپالىمەن يپوتەكالىق قارىزدار بويىنشا ورتاشا الىنعان سىياقى مولشەرلەمەسى قارىز الۋشىلار ءۇشىن تارتىمدى بولىپ, ۇلتتىق بانكتىڭ بازالىق مولشەرلەمەسىنەن تومەن دەڭگەيدە ساقتالىپ وتىر. يپوتەكالىق كرەديتتەر بويىنشا ورتاشا الىنعان مولشەرلەمە 2021 جىلعى تامىزدا 7,9 پايىز (2020 جىلعى جەلتوقساندا – 7,5 پايىز) بولدى» دەلىنگەن حابارلامادا.
اگەنتتىك دەرەگىنشە, جىلجىمايتىن م ۇلىك نارىعىنداعى باعانىڭ ءوسۋى ۇسىنىستاردىڭ ۇلعايۋىنا قاراماستان جالعاسىپ جاتىر. بيىل 8 ايدا پايدالانۋعا بەرىلگەن تۇرعىن ۇيلەردىڭ جالپى الاڭى 10,5 پايىزعا ۇلعايىپ, 8,9 ملن شارشى مەتر بولعان. بۇل رەتتە تۇرعىن ۇيگە سۇرانىستىڭ ۇلكەن قارقىنمەن وسكەنىن ساتۋ-ساتىپ الۋ كەلىسىمدەرى دە راستايدى. بيىل مۇنداي كەلىسىمدەر 2020 جىلدىڭ سەگىز ايىمەن سالىستىرعاندا 2,1 ەسە (177,6 مىڭ مامىلە) ۇلعايىپ, وسى جىلى 8 ايدا 370,2 مىڭ مامىلەگە جەتكەن.
يپوتەكالىق قارىزدار بويىنشا حالىقتىڭ بورىش جۇكتەمەسى سالىستىرمالى تۇردە تومەن, بىراق ونىڭ ۇلعايۋ ءۇردىسى بايقالىپ جاتىر ەكەن. مەملەكەتتىك نەسيە بيۋروسىنىڭ دەرەكتەرى بويىنشا, ءبىر قارىز الۋشىعا بەرەشەكتىڭ ورتاشا سوماسى جىل باسىنان باستاپ 10,4 پايىزعا ۇلعايىپ, 8,4 ملن تەڭگەنى قۇراعان. (01.01.2021ج. – 7,6 ملن تەڭگە). يپوتەكالىق قارىز بويىنشا بورىشتىڭ ورتاشا سوماسىنىڭ ۇلعايۋى – جىلجىمايتىن تۇرعىن ءۇي باعاسىنىڭ وسۋىمەن بايلانىستى.
قارىز الۋشىلاردىڭ باسىم كوپشىلىگىنىڭ (69 پايىز) 10 ملن تەڭگەگە دەيىنگى سوماعا بەرەشەگى بار. يپوتەكالىق پورتفەل ساپاسىنىڭ جاقسارۋىنا – يپوتەكالىق كرەديت بەرۋدىڭ قولايلى تالاپتارى, قارىز الۋشىلاردىڭ تومەن بەرەشەگى جانە يپوتەكالىق قارىزدار پورتفەلىنىڭ ءوسۋى اسەر ەتكەن. 90 كۇننەن استام مەرزىمى وتكەن بەرەشەگى بار يپوتەكالىق قارىزداردىڭ كولەمى جىل باسىنان بەرى 0,6 پايىزدىق تارماققا تومەندەپ, 46 ملرد تەڭگەنى نەمەسە 1,7 پايىزدى قۇراعان.
«جەڭىلدىكتى يپوتەكا باعدارلامالارى اۋقىمىنىڭ كەڭەيۋى, يپوتەكالىق كرەديت بەرۋ تالاپتارىنىڭ جەڭىلدەتىلۋى جانە جىلجىمايتىن تۇرعىن ءۇي نارىعىنا زەينەتاقى جيناقتارىنىڭ ءتۇسۋى اياسىندا يپوتەكالىق قارىزدار بەرۋ ايتارلىقتاي جەدەلدەدى. يپوتەكالىق پورتفەلدىڭ ايتارلىقتاي ۇلعايۋىنا قاراماستان, قارىز الۋشىلاردىڭ بورىش جۇكتەمەسى جانە يپوتەكالىق پورتفەلدەگى جۇمىس ىستەمەيتىن قارىزداردىڭ ۇلەسى تومەن دەڭگەيدە قالىپ وتىر» دەپ جازادى اگەنتتىك.
