فوتو: depositphotos.com/ALesik
قالالىق ءماسليحات بەكىتكەن جاڭا تاريفتەرگە سايكەس, كولىكتى ەۆاكۋاتسيالاۋ قۇنى 3 اەك – 12 975 تەڭگە بولادى. بۇل قىزمەتتى جول قوزعالىسىن ۇيىمداستىرۋ ورتالىعى جۇزەگە اسىرادى.
بۇعان قوسا, بۇرىن تەگىن بولعان ايىپتۇراقتاعى ساقتاۋ قىزمەتى دە اقىلى جۇيەگە كوشەدى. تاريف كولىك ءتۇرى مەن تۇرعان ۋاقىتىنا بايلانىستى ەسەپتەلەدى:
- موتوتسيكلدەر ءۇشىن: ءبىرىنشى كۇن – 1 اەك (4 325 تەڭگە), كەيىنگى ءار كۇن – 2 اەك (8 650 تەڭگە);
- كۆادروتسيكلدەر ءۇشىن: ءبىرىنشى كۇن – 1,5 اەك (6 487 تەڭگە), كەيىن – 3 اەك (12 975 تەڭگە);
- جەڭىل كولىكتەر ءۇشىن: ءبىرىنشى كۇن – 3 اەك (12 975 تەڭگە), كەيىن – 5 اەك (21 625 تەڭگە);
- 3,5 تونناعا دەيىنگى جۇك كولىكتەرى: ءبىرىنشى كۇن – 5 اەك (21 625 تەڭگە), كەيىن – 7 اەك (30 275 تەڭگە);
- تىركەمەلەر (0,75 تونناعا دەيىن): ءبىرىنشى كۇن – 2 اەك (8 650 تەڭگە), كەيىن – 4 اەك (17 300 تەڭگە);
- 3,5 تونناعا دەيىنگى تىركەمەلەر: ءبىرىنشى كۇن – 5 اەك (21 625 تەڭگە), كەيىن – 7 اەك (30 275 تەڭگە).
جاۋاپتى باسقارما وكىلدەرىنىڭ ايتۋىنشا, كولىك ءىرى بولعان سايىن تاريف تە جوعارىلايدى. جاڭا ءتارتىپتىڭ باستى ماقساتى – ەۆاكۋاتسيا قىزمەتى سالاسىندا اشىقتىقتى قامتاماسىز ەتۋ.
ەندى كولىك نومىرىنە ءموبيلدى قوسىمشا ارقىلى تاپسىرىس بەرۋگە بولادى
ايىپتۇراقتى اقىلى ەتۋ ماسەلەسى بۇرىن دا كوتەرىلگەن. 2018 جىلى قالا اكىمدىگى ايىپتۇراقتاردى اقىلى ەتۋ قاجەتتىگىن ايتقان. سەبەبى كوممۋنالدىق تۇراقتار بيۋدجەت ەسەبىنەن ۇستالىپ, جىل سايىن وعان ونداعان ميلليون تەڭگە جۇمسالعان, ءارى تۇراقتاردىڭ شامادان تىس تولۋى وزەكتى ماسەلەگە اينالعان.
مامانداردىڭ پايىمىنشا, اقىلى جۇيە ەنگىزىلسە, كولىك يەلەرى اۆتوكولىگىن تەزىرەك الىپ كەتۋگە مۇددەلى بولادى, وسىلايشا تۇراقتاعى ورىن تاپشىلىعى ازايادى. الايدا بۇل ۇسىنىس سول كەزدە ىسكە اسپاي قالعان.
