فوتو: شقو اكىمدىگى
ءىس ماتەريالدارى وسكەمەن قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا تۇسكەن. سوت كابينەتى دەرەكتەرىنە سايكەس, ايىپتالۋشىعا قىلمىستىق كودەكستىڭ 190-بابى 3-بولىگى جانە 366-بابى 3-بولىگى بويىنشا – ء«ىرى مولشەردەگى الاياقتىق» جانە ء«ىرى كولەمدە پارا الۋ» ايىپتارى تاعىلعان.
نەگىزگى سوت وتىرىسى 19 ناۋرىزعا بەلگىلەنگەن. ءىس اشىق رەجيمدە قارالادى. سوت قۇجاتىندا ايىپتالۋشىعا قاتىستى قاماۋدا ۇستاۋ تۇرىندەگى بۇلتارتپاۋ شاراسى وزگەرىسسىز قالدىرىلىپ, ونىڭ مەرزىمى ءىس تولىق قارالعانعا دەيىن ۇزارتىلعانى كورسەتىلگەن.
ۇلتتىق قاۋىپسىزدىك كوميتەتى 18 اقپاندا جاقسىلىق ومارعا قاتىستى تەرگەۋ جۇرگىزىلىپ جاتقانىن راستاعان. ول شقو اكىمىنىڭ ءبىرىنشى ورىنباسارى قىزمەتىنە 2025 جىلدىڭ ءساۋىر ايىندا تاعايىندالعان.
بۇعان دەيىن ءتۇرلى مەملەكەتتىك قىزمەتتەر اتقارعان ول 2018-2024 جىلدارى وسكەمەن قالاسىنىڭ اكىمى بولعان, سونداي-اق اكىمنىڭ كەڭەسشىسى قىزمەتىن دە اتقارعان.
الداعى سوت پروتسەسى ءىس بويىنشا بارلىق ءمان-جايدى ايقىنداپ, قۇقىقتىق باعا بەرمەك.
دەپۋتات ەكس-شەنەۋنىكتەردىڭ دۋبايداعى مۇلكىنە قۇقىقتىق باعا بەرۋدى تالاپ ەتتى
