قازاقستان • 18 قازان، 2021

اقش قازاقستانعا 2،4 ملن دوللار بەرەدى

133 رەت كورسەتىلدى

بۇگىن اقش ۇكىمەتى اقش حالىقارالىق دامۋ جونىندەگى اگەنتتىگى (USAID) ارقىلى قازاقستانعا COVID-19 ىندەتىنە قارسى كۇرەستە كومەك كورسەتۋ ماقساتىمەن 2،4 ميلليون اقش دوللارىن ءبولۋ تۋرالى جاريالادى، دەپ حابارلايدى Egemen.kz.

بۇل تۋرالى قازاقستانداعى اقش ەلشىلىگى مەن كونسۋلدىعى مالىمدەدى.

اتالعان كومەك ناقتى دەرەكتەر نەگىزىندە ۆاكتسينالاردى ەنگىزۋ بويىنشا شەشىمدەر قابىلداۋعا، ۆاكتسينالار تۋرالى جالعان اقپاراتقا دەن قويۋ بويىنشا جەرگىلىكتى الەۋەتتى دامىتۋعا، COVID-19 ناقتىلاۋدى جۇزەگە اسىرۋ ءۇشىن زەرتحانالىق جۇيەلەردى جەتىلدىرۋگە، قازاقستاننىڭ ۆاكتسينالاردى پايدالانۋعا دايىندىعىن ارتتىرۋعا جانە ولاردى جەتكىزۋ پروتسەدۋرالارىن جەتىلدىرۋگە ىقپال ەتەتىن بولادى.

«بۇل كومەك پاندەميا باستالعاننان بەرى COVID-19 ىندەتىنە قارسى كۇرەس باعدارلاماسى شەڭبەرىندە قازاقستانعا جىبەرىلگەن 6،8 ميلليون اقش دوللارىنان استام مولشەردەگى قارجىلاندىرۋدى تولىقتىراتىن بولادى. بۇگىنگى تاڭدا USAID 5000-نان استام مەديتسينا قىزمەتكەرىنە COVID-19 ىندەتىنە بايلانىستى تاقىرىپتار بويىنشا، سونىڭ ىشىندە اۋرۋدىڭ الدىن-الۋ جانە باقىلاۋ، سونىمەن قاتار بيولوگيالىق قاۋىپسىزدىكتى قامتاماسىز ەتۋ پرينتسيپتەرى بويىنشا وقىتۋدى ۇيىمداستىردى. ءوز قىزمەتىندە USAID حالىقتىڭ حاباردارلىعىن ارتتىرۋ جانە جالعان اقپاراتپەن كۇرەسۋ ءۇشىن بەلسەندى توپتاردى جۇمىلدىرۋ ارقىلى 8،2 ملن-نان استام ادامدى قامتىدى.

وسىنداي كۇش-جىگەر جۇمساۋدىڭ نەگىزىندە اقش ءومىردى قۇتقارۋ بويىنشا ونداعان جىلدار بويعى ەڭبەك جانە دەنساۋلىق ساقتاۋ سالاسىنداعى جاھاندىق داعدارىستاردى ەڭسەرۋدەگى جەتەكشى ءرولى جاتىر. سوڭعى 60 جىل بارىسىندا USAID ميلليونداعان ادامنىڭ ءومىرىن ەبولا، ايتۆ/جيتس، تۋبەركۋلەز، بەزگەك جانە قازىر COVID-19 سياقتى اۋرۋلاردان قۇتقارۋعا كومەكتەستى»، دەلىنگەن اقش ديپلوماتيالىق وكىلدىگى تاراتقان حابارلامادا.

ەلشىلىكتىڭ حابارلاۋىنشا بيىل اقش وكىلدىگى قازاقستان ۇكىمەتىمەن ىنتىماقتاستىقتىڭ 30 جىلدىعىن اتاپ وتۋدە. ەكى ونجىلدىقتان استام ۋاقىت بارىسىندا اقش قازاقستانعا 2 ملرد دوللار، سونىڭ ىشىندە تۋبەركۋلەز بەن ايتۆ/جيتس الدىن الۋ جانە ەمدەۋ سياقتى سالالارداعى دەنساۋلىق ساقتاۋ باعدارلامالارىن قولداۋعا 92،8 ميلليون دوللاردان استام قاراجات ءبولدى.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار