الەم • 16 قازان، 2021

كوروناۆيرۋس: الەمدەگى احۋال قانداي؟

135 رەت كورسەتىلدى

يتاليادا كوروناۆيرۋس سەرتيفيكاتىن الماعان ازاماتتار جۇمىسقا جىبەرىلمەيدى. بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ايتىلدى، دەپ حابارلايدى Egemen.kz.

ەرتەڭنەن باستاپ ساۋد ارابياسىندا كەيبىر كارانتيندىك تالاپتار جويىلادى. ەلدىڭ ىشكى ىستەر مينيسترلىگىنىڭ مالىمەتىنشە، كوشەدە قورعانىش ماسكالارىن مىندەتتى تاعۋ تالابىنىڭ كۇشى جويىلادى. بەتپەردەنى تەك كوشەدە تاقپاۋعا بولادى، جابىق بولمەلەردە ماسكا كيۋ جالعاسادى. پاندەميا باستالعاننان بەرى ساۋد ارابياسىندا ينفەكتسيانىڭ 547 845 جاعدايى تىركەلدى (وتكەن تاۋلىكتە +48)، 8 758 ادام COVID-19 سالدارىنان قايتىس بولدى.

يتاليا ۇكىمەتى رەسپۋبليكا ازاماتتارىنىڭ كوروناۆيرۋسقا قارسى بەلسەندى ۆاكتسينالاناتىنىن حابارلايدى. ءبىر اپتا ىشىندە ۆاكتسيناتسيانىڭ تاۋلىكتىك سانى ۇشتەن ءبىر بولىككە ءوستى. 15 قازاننان باستاپ يتاليادا ەپيدەميولوگيالىق نورمالار كۇشەيتىلدى: كوۆيد-سەرتيفيكاتى جوق ازاماتتار جۇمىسقا بارا المايدى. بۇل قۇجاتتى ەگىلگەن، اۋىرىپ جازىلعان نەمەسە تەرىس ناتيجەسى بار پتر-تەست ۇسىنعان ادامدار الا الادى. ۆاكتسينا الماعاندار تەستى ءوز اكشالارىنا جاساتادى. يتاليادا ءبىرىنشى جانە قايتا ەگۋدى 43 684 885 تۇرعىن الدى.

سوڭعى جاڭالىقتار

ۇقساس جاڭالىقتار