ۇكىمەت • 16 قازان، 2021

اسقار مامين باعانى تۇراقتاندىرۋ بويىنشا كەڭەس وتكىزدى

144 رەت كورسەتىلدى

قر پرەمەر-ءمينيسترى اسقار مامين ۇكىمەتتىڭ تسيفرلىق كەڭسەسىندە ورتالىق مەملەكەتتىك ورگاندار باسشىلارىنىڭ جانە وڭىرلەر اكىمدەرىنىڭ قاتىسۋىمەن الەۋمەتتىك ماڭىزى بار ازىق-ت ۇلىك تاۋارلارىنىڭ ء(امات) باعاسىن رەتتەۋ ماسەلەلەرى بويىنشا كەڭەس وتكىزدى، دەپ حابارلايدى Egemen.kz.

قازىرگى جاعداي مەن جۇرگىزىلىپ جاتقان جۇمىس تۋرالى ساۋدا جانە ينتەگراتسيا ءمينيسترى باقىت سۇلتانوۆ، اۋىل شارۋاشىلىعى ءمينيسترى ەربول قاراشوكەەۆ، باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين، اتىراۋ وبلىسىنىڭ اكىمى ماحامبەت دوسمۇحامبەتوۆ، ماڭعىستاۋ وبلىسىنىڭ اكىمى نۇرلان نوعاەۆ، باتىس قازاقستان وبلىسىنىڭ اكىمى عالي ەسقاليەۆ جانە ت. ب. باياندادى.

 

وتكەن اپتادا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ ءوسۋى 0،2% قۇرادى. بۇعان قىرىققابات باعاسىنىڭ 3،5%-عا جانە جۇمىرتقانىڭ 1،6%-عا قىمباتتاۋى اسەر ەتتى. قىرىققابات باعاسىنىڭ ەڭ كوپ ءوسۋى الماتى قالاسىندا (19،3%)، اقتوبە (7،4%) جانە تۇركىستان (6،7%) وبلىستارىندا تىركەلدى. اتىراۋ وبلىسىندا جۇمىرتقا باعاسىنىڭ ەداۋىر ءوسۋى ورىن الدى (27%).

 

«اينالىم سحەماسى» شەڭبەرىندە وڭىرلەردە 273،6 مىڭ توننا الەۋمەتتىك ماڭىزى بار تاۋار ساتىپ الىندى. وتكەن اپتادا جۇمىرتقا (+70،6 ملن دانا)، كارتوپ (+17،4 مىڭ توننا)، ءسابىز (+7،2 مىڭ توننا)، پياز (+4،7 مىڭ توننا)، قىرىققابات (+4،8 مىڭ توننا) جانە ت. ب. ساتىپ الۋ ۇلعايتىلدى.

 

وتكەن اپتادا باسەكەلەستىكتى قورعاۋ جانە دامىتۋ اگەنتتىگى نان، جۇمىرتقا جانە ۇن وندىرۋشىلەرىنە باعانىڭ مۇمكىن ءوسۋى تۋرالى جاريا مالىمدەگەنى ءۇشىن 4 ەسكەرتۋ جاسادى. نۇر-سۇلتان قالاسىندا، تۇركىستان جانە ماڭعىستاۋ وبلىستارىندا 18 تاۋار پوزيتسياسى بويىنشا ساۋدا ۇستەمەسىن كوتەرۋدىڭ 7 فاكتىسى انىقتالدى. ءتۇرلى باعالاردى قولدانۋ بەلگىسى بويىنشا حابارلامانى ورىنداماۋىنا بايلانىستى «تاراز قانت زاۋىتى» جشس-عا قاتىستى تەرگەۋ تاعايىندالدى.

بۇگىنگى كۇنى وندىرۋشىلەرمەن جانە ءىرى سۋپەرماركەتتەرمەن باعا مەن ساۋدا ۇستەمەسىن تومەندەتۋ تۋرالى، ونىڭ ىشىندە رەسپۋبليكالىق ءىرى ساۋدا جەلىلەرىمەن ءامات-قا ساۋدا ۇستەمەسىن 15%-دان 10%-عا دەيىن تومەندەتۋ تۋرالى، سونداي-اق قازاقستاننىڭ جۇمىرتقا وندىرۋشىلەر قاۋىمداستىعىنا كىرەتىن قازاقستاننىڭ 14 قۇس فابريكاسىمەن 108 مونوپولياعا قارسى كومپلاەنس اكتىسى جاسالدى.

پرەمەر-مينيستر وڭىرلەردىڭ اكىمدەرىنە الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن ۇستاپ تۇرۋ جۇمىسىنىڭ تيىمدىلىگىن، ونىڭ ىشىندە «اينالىم» سحەماسىن قارجىلاندىرۋدى جانە تۇراقتاندىرۋ قورلارىنا ساتىپ الۋدى ۇسىنىلاتىن كولەمدەرگە دەيىن جەتكىزۋ، ازىق-ت ۇلىك تاۋارلارىنىڭ وڭىرارالىق ۇزدىكسىز اعىنىن ۇيىمداستىرۋ، سونداي-اق ساۋدا سۋبەكتىلەرىنىڭ ساۋدا ۇستەمەلەرىن اسىرۋ فاكتىلەرىنىڭ جولىن ۋاقتىلى كەسۋ ارقىلى ارتتىرۋدى تاپسىردى.

ۇكىمەت باسشىسى الەۋمەتتىك ماڭىزى بار ازىق-ت ۇلىك ونىمدەرىنىڭ باعاسىن ۇستاپ تۇرۋ بويىنشا جۇيەلى جۇمىس جۇرگىزۋدىڭ جانە جالپى ينفلياتسياعا قارسى دەن قويۋ شارالارىنىڭ كەشەنىن ءتيىمدى ىسكە اسىرۋدىڭ ماڭىزدىلىعىن اتاپ ءوتتى.

سوڭعى جاڭالىقتار

ۇقساس جاڭالىقتار