ايماقتار • 16 قازان، 2021

وسكەمەندە ەسىرتكى ساۋداسىمەن اينالىسقان ەر ادام قولعا ءتۇستى

99 رەت كورسەتىلدى

وسكەمەن قالاسىندا پوليتسيا قىزمەتكەرلەرى ەسىرتكى ساۋداسىمەن اينالىسقان ەر ادامدى ۇستادى، دەپ حابارلايدى Egemen.kz.

شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى 38 جاستاعى ازاماتتىڭ كولىگىن ءتىنتۋ بارىسىندا ورىندىقتىڭ ارتىنداعى قالتاشادان پوليمەرلى تۇيىنشەكتى تاپقان.

«ساراپتاما قورىتىندىسىنا سايكەس، تاركىلەنگەن زات جالپى سالماعى 52،75 گرامدى قۇرايتىن كەپتىرىلگەن ماريحۋانا بولىپ شىقتى. سونداي-اق كۇدىكتىنىڭ پاتەرىن ءتىنتۋ بارىسىندا جاتىن بولمەدەگى توسەك استىنان 30،36 گرامم ماريحۋانا مەن 15،30 گرامم گاشيش تابىلعان»، دەلىنگەن اقپاراتتا.

ەر ادام ءوز سوزىندە ەسىرتكىنى قولدانبايتىنىن، ساتۋ ءۇشىن تاسىمالداعانىن جەتكىزدى.

اتالعان فاكتى بويىنشا قر قك-ءنىڭ 297-بابى 2-بولىگىنە سايكەس سوتقا دەيىنگى تەرگەۋ امالدارى باستالدى.

 

 

سوڭعى جاڭالىقتار

ۇقساس جاڭالىقتار