وسى ۋاقىت ىشىندە ەلوردالىق ورتالىق 750-گە جۋىق جاستى قابىلداپ, وزەكتى ماسەلەلەر بويىنشا جاستاردى قولداۋعا باعىتتالعان مەملەكەتتىك باعدارلامالار بويىنشا كونسۋلتاتسيالىق كومەك كورسەتتى.
جقو-نىڭ باستى ماقساتى مەملەكەتتىك جاستار ساياساتىن, جاستاردى قولداۋعا جانە وزەكتى ماسەلەلەر: جۇمىسسىزدىق, تۇرعىن ءۇي, ءبىلىم, دەنساۋلىق جانە ت. ب. بويىنشا اقپاراتتىق-كونسۋلتاتسيالىق كومەك كورسەتۋگە باعىتتالعان باعدارلامالاردى ءىس جۇزىندە ىسكە اسىرۋ بولىپ تابىلادى.
قازىرگى ۋاقىتتا نۇر-سۇلتان قالاسىنىڭ سارىارقا اۋدانىنداعى جاستارعا قىزمەت كورسەتۋ ورتالىعى ونلاين جانە وففلاين فورماتتا بوس ۋاقىتتى ءتيىمدى ۇيىمداستىرۋ, جاستار باستامالارىن قولداۋ, جۇمىسسىز جاستاردى جۇمىسقا ورنالاستىرۋ, تۇرعىن ءۇي ماسەلەلەرىنە قاتىستى مەملەكەتتىك باعدارلامالاردى ىسكە اسىرۋ, پسيحولوگيالىق جانە قۇقىقتىق كومەك كورسەتۋ, 14-29 جاس ارالىعىنداعى جۇمىس ىستەيتىن جاستار, NEET ساناتىنداعى جاستار جانە نۇر-سۇلتان قالاسىنىڭ مارگينالدى جاستارى ءۇشىن سپورتتى جانە سپورتتىڭ قولجەتىمدىلىگىن ناسيحاتتاۋ بويىنشا ءىس-شارالار جۇرگىزۋدە. مىسالى, «وتباسى بانك» اق, «حالىقتى جۇمىسپەن قامتۋ ورتالىعى» كمم, «iKomek109» سياقتى ۇيىمدار وسى ورتالىقتا بىرىكتىرىلىپ, وندا مەملەكەتتىك قىزمەتتەردى الۋ ءۇشىن جاعدايلار جاسالعان.
ەستەرىڭىزگە سالا كەتەيىك, ەل تاۋەلسىزدىگىنىڭ 30 جىلدىعىنا وراي نۇر-سۇلتاندا العاش رەت «استانا جاستارى» جرو وسى جىلدىڭ ماۋسىم ايىندا سارىارقا اۋدانى اكىمدىگىمەن بىرلەسىپ جاستارعا قىزمەت كورسەتۋ ورتالىعى اشىلدى. بولاشاقتا 2021 جىلدىڭ سوڭىنا دەيىن الماتى, ەسىل جانە بايقوڭىر اۋداندارىندا جاستار كوپ جينالاتىن جەرلەردە وسىنداي ورتالىقتار اشۋ جوسپارلانىپ وتىر.
