«مادەني-گۋمانيتارلىق ولشەمدەر تاريحي بايلانىستاردى ساقتاۋدا جانە حالىقتارىمىزدى ودان ءارى جاقىنداستىرۋدا ءداستۇرلى تۇردە ماڭىزدى ءرول اتقارادى. وسىعان بايلانىستى ءبىز 2022 جىلدى تمد حالىق شىعارماشىلىعى مەن مادەني مۇراسى جىلى دەپ جاريالادىق. مەرەيلى جىل اياسىندا تاريحي بايلانىستاردى ساقتاۋعا, مادەنيەت, تۋريزم جانە سپورت سالاسىنداعى ءوزارا ءىس-قيمىلدى نىعايتۋعا باعىتتالعان 100-گە جۋىق ءىس-شارا وتەدى», دەپ ايتتى مەملەكەت باسشىسى قاسىم-جومارت توقاەۆ.
ايتۋىنشا, بۇرىن قابىلدانعان باعدارلامالىق قۇجاتتاردى ساپالى ىسكە اسىرۋ دا وسى سالاداعى ىنتىماقتاستىقتى تەرەڭدەتۋگە قىزمەت ەتەدى.
«اڭگىمە جاستار ىنتىماقتاستىعى, تۋريزم, سونداي-اق دەنە شىنىقتىرۋ جانە سپورت سالاسىنداعى ءۇش ستراتەگيا تۋرالى بولىپ وتىر. وسى مۇمكىندىكتى پايدالانا وتىرىپ, مولدوۆا حالقىن 2023 جىلى دوستاستىقتىڭ مادەني استاناسى كومرات قالاسىنىڭ سايلانۋىمەن قۇتتىقتايمىن», دەدى توقاەۆ.
