قازاقستان • 15 قازان، 2021

قازاقستان مەن تۇرىكمەنستان مەملەكەتتىك شەكارا رەجيمى تۋرالى كەلىسىمگە قول قويادى

136 رەت كورسەتىلدى

قر ۇلتتىق قاۋىپسىزدىك كوميتەتى قازاقستان ۇكىمەتى مەن تۇرىكمەنستان ۇكىمەتى اراسىنداعى قازاقستان-تۇرىكمەن مەملەكەتتىك شەكاراسىنىڭ رەجيمى تۋرالى كەلىسىم جوباسىن ازىرلەدى، دەپ حابارلايدى Egemen.kz.

قۇجات ەكى ەلدىڭ مەملەكەتتىك شەكاراسىنداعى تۇراقتىلىقتى جانە شەكارا ماڭىنداعى اۋدانداردا تىنىشتىقتى قامتاماسىز ەتۋ، شەكارا ماسەلەلەرىن ءوزارا قۇرمەت، سەنىم، تەڭ قۇقىقتىق، دوستىق جانە ىنتىماقتاستىق رۋحىندا رەتتەۋ ماقساتىندا ازىرلەندى،

قازاقستان-تۇرىكمەن مەملەكەتتىك شەكاراسىنىڭ رەجيمى وزىنە:

  • قازاقستان-تۇرىكمەن مەملەكەتتىك شەكاراسىن ۇستاۋ;
  • ادامداردىڭ، كولىك قۇرالدارىنىڭ قازاقستان-تۇرىكمەن مەملەكەتتىك شەكاراسىن كەسىپ ءوتۋى جانە ول ارقىلى جۇكتەر مەن وزگە دە م ۇلىكتىڭ وتكىزىلۋى;
  • قازاقستان-تۇرىكمەن مەملەكەتتىك شەكاراسى ارقىلى ادامداردى، كولىك قۇرالدارىن، جۇكتەردى جانە وزگە دە م ۇلىكتى وتكىزۋ;
  • قازاقستان-تۇرىكمەن مەملەكەتتىك شەكاراسى مەن شەكارالىق بەلدەۋلەردىڭ ۇستىنەن ۇشۋدى جۇزەگە اسىرۋ;
    قازاقستان-تۇرىكمەن مەملەكەتتىك شەكاراسىندا، شەكارا بەلدەۋلەرىندە، سونداي-اق شەكارا سۋلارى شەگىندە شارۋاشىلىق، كاسىپشىلىك، زەرتتەۋ، ىزدەستىرۋ نەمەسە وزگە دە قىزمەتتى جۇرگىزۋ، قوعامدىق-ساياسي، مادەني نەمەسە وزگە دە ءىس-شارالاردى وتكىزۋ (ونىڭ ىشىندە ولاردى پايدالانۋ);
  • شەكارالىق قاقتىعىستاردى شەشۋ.

سونىمەن بىرگە، مەملەكەتتەردىڭ ازاماتتارى شەكارالىق ۆەدومستۆولاردىڭ رۇقساتىمەن شەكارالىق سۋلاردىڭ ءوز بولىگى شەگىندە بالىق اۋلاۋدى جۇزەگە اسىرا الادى.

«مەملەكەتتىك شەكارا رەجيمىن تاراپتار مەملەكەتتەرىنىڭ بىرلەسكەن قىزمەتى قولدايدى جانە ونىڭ ماسەلەلەرى وسى كەلىسىممەن، سونداي-اق تاراپتار مەملەكەتتەرىنىڭ زاڭناماسىمەن جانە ەكى تاراپ مەملەكەتتەرى قاتىسۋشىلارى بولىپ تابىلاتىن حالىقارالىق شارتتارمەن رەگلامەنتتەلەدى»، دەلىنگەن قۇجاتتا.

كەلىسىمنىڭ ءماتىنىن «اشىق نقا» سايتىنان كورۋگە بولادى، وندا ول 23 قازانعا دەيىن جاريا تالقىلاۋ ءۇشىن ورنالاستىرىلعان.

سوڭعى جاڭالىقتار

ۇقساس جاڭالىقتار