الەم • 15 قازان، 2021

فرانتسيا COVID-19-عا قارسى ەكپە الۋدى مىندەتتەلمەيتىن بولدى

67 رەت كورسەتىلدى

فرانتسيانىڭ پارلامەنت سەناتى كوروناۆيرۋسقا قارسى مىندەتتى ۆاكتسينالاۋ زاڭ جوباسىن ماقۇلداعان جوق، دەپ حابارلايدى Egemen.kz.

دەپۋتاتتاردىڭ باسىم بولىگى داۋىسقا سالىنعان قۇجاتقا قارسى شىقتى.

ەستەرىڭىزگە سالايىق، فرانتسيادا سوتسياليست سەناتورلار COVID-19-عا قارسى ۆاكتسينالاۋدى مىندەتتى ەتۋدى كوزدەگەن. ءتيىستى زاڭ پارلامەنتتىڭ جوعارعى پالاتاسىندا قارالۋى ءتيىس بولدى. الايدا شەنەۋنىكتەردىڭ كوبى تۇرعىنداردى مىندەتتەۋدى ءجونسىز دەپ سانادى. ايتۋىنشا، ونسىز دا ۆاكتسينا تولقۇجاتىنىڭ ەڭگىزىلۋى ارقىلى ەلدە ەكپە ەگۋ ناۋقانى ءبىر ىزگە قويىلعان.

«مىندەتتى ۆاكتسينالاۋعا قارسىمىز. ىندەتتىڭ قاۋىپتىلىگى جايىنداعى اقپارات جۇمىسى وڭ ناتيجە بەردى. سوڭعى ايلاردا وتانداستارىمىز كوپتەپ ەكپە سالدىرا باستادى»، دەدى فرانتسيانىڭ وتباسى مەن بالالىق شاق جونىندەگى مەملەكەتتىك باسقارمانىڭ حاتشىسى ادريەن تاكە.

بۇگىندە فرانتسيا حالقىنىڭ 90 پايىزى ەگىلگەن. دەسە دە 65 جاستان اسقانداردىڭ كوبى ءالى دە ۆاكتسينا قابىلداماعان دەيدى ماماندار.

«مىندەتتى ۆاكتسينالاۋ ۇسىنىسى تىم كەشىكتى دەپ ەسەپتەيمىن. ماسەلەن، بۇگىنگە دەيىن 12 جاستان اسقانداردىڭ 85 پايىزى ەكپە سالدىردى. ۆاكتسينالاۋ ناۋقانى كارقىندى. شىن مانىندە ەكپە قابىلداۋعا قارسى بولىپ وتىرعاندار بىرەن-ساران عانا»، دەدى فرانتسيا سەناتىنىڭ دەپۋتاتى ۆەرونيك گيوتەن.

سوڭعى جاڭالىقتار

ۇقساس جاڭالىقتار