ەلوردا • 15 قازان، 2021

LRT قۇرىلىسىنىڭ قاشان اياقتالاتىنى بەلگىلى بولدى

380 رەت كورسەتىلدى

ەلوردا ءماسليحاتىنىڭ كەزەكتەن تىس سەسسياسىندا قالا اكىمى التاي كولگىنوۆ بانكتەردىڭ ءبىرى LRT قۇرىلىسىن جالعاستىرۋ ءۇشىن قارجىلاندىرۋعا قاتىساتىنىن ايتتى، دەپ حابارلايدى Egemen.kz.

سەسسيا جۇمىسىندا LRT قۇرىلىسى ماسەلەسى كوتەرىلدى. قۇرىلىسى اياقتالماعان باعاندار قالا مەن اۋەجايعا باراتىن جولدىڭ كوركىن بۇزىپ تۇرعانى ايتىلدى.

«LRT ماسەلەسى ءبىرازدان بەرى تالقىلانىپ كەلەدى. ونىڭ پروبلەماسى قايدان پايدا بولدى؟ بىرىنشىدەن، ەكىنشى دەڭگەيلى بانك بانكروتقا ۇشىراعان كەزدە سول جەردە قاراجات بۇعاتتالىپ قالدى. ەكىنشىدەن، وسى ماسەلەدە زاڭ بۇزۋشىلىق بولدى. ۇشىنشىدەن، قازىر ەڭ نەگىزگى ماسەلە – ول قارجىلاندىرۋ. بۇل جوباعا قوماقتى قاراجات كەرەك. وسىعان دەيىن ءبىرشاما جۇمىستار اتقارىلعانىن بىلەسىزدەر، ورناتىلعان ينجەنەرلىك قۇرىلىستار قالانىڭ ءسانىن كەلتىرمەي تۇرعانى راس. بىراق باستالعان جۇمىس اياقتالۋى كەرەك»، دەدى ا. كولگىنوۆ.

ونىڭ ايتۋىنشا، ءبىر جىلدان استام ۋاقىت بويى اكىمدىك بانكتەرمەن ءتيىستى كەلىسسوزدەر جۇرگىزدى.

«بۇل جوبانى ىسكە اسىرۋعا بانكتەر قوسىلۋعا قاۋقارسىز بولىپ تۇر. سوندىقتان مينيسترلىكپەن بىرگە كونكۋرس جاريالادىق. قازىرگى كەزدە ءتيىستى بانك ءوزىنىڭ كەلىسىمىن بەرىپ جاتىر، ونى الداعى ۋاقىتتا قوسىمشا حابارلايمىز. ياعني ولار كەلىسىمشارتقا قول قويعانان كەيىن ايتامىز. جوسپار – جوبانى اياقتاۋ. قازىر اۋەجاي جاقتا ءبىر شاقىرىمنان استام بالكالار ورناتىلدى»، دەدى قالا اكىمى.

سوڭعى جاڭالىقتار

ۇقساس جاڭالىقتار