قازاقستان • 15 قازان، 2021

ەرلان قارين قازاقستاننىڭ بۇۇ-نىڭ ادام قۇقىقتارى كەڭەسىنىڭ قۇرامىنا كىرۋىنە قاتىستى پىكىر ءبىلدىردى

59 رەت كورسەتىلدى

قر پرەزيدەنتىنىڭ كومەكشىسى ەرلان قارين ەلىمىزدىڭ بۇۇ-نىڭ ادام قۇقىقتارى جونىندەگى كەڭەسىنىڭ قۇرامىنا كىرۋىنە قاتىستى پىكىر ءبىلدىردى، دەپ حابارلايدى Egemen.kz.

«14 قازاندا بۇۇ باس اسسامبلەياسىنىڭ شەشىمىمەن قازاقستان 2022-2024 جىلدارى بۇۇ-نىڭ ادام قۇقىقتارى جونىندەگى كەڭەسىنىڭ قۇرامىنا كىردى. اتالعان كەڭەسكە قازاقستاننىڭ مۇشە بولىپ سايلانۋى – قۇقىق قورعاۋشىلارىمىز بەن مەملەكەتتىڭ ادام قۇقىعىن قورعاۋ سالاسىندا كۇش-جىگەرىن مويىنداۋى. قازاقستان كانديداتۋراسىن قاراۋ بارىسىندا پرەزيدەنت قاسىم-جومارت توقاەۆتىڭ جولداۋلارى مەن جارلىقتارىندا بەلگىلەگەن، قابىلدانىپ جاتقان بارلىق ءىس-شارالار ەسكەرىلدى. مەملەكەت باسشىسىنىڭ وتكەن جىلعى جانە وسى جولعى جولداۋلارىندا قۇقىق قورعاۋ تاقىرىبى جەكە ءبولىم بولدى. ال وسى جىلدىڭ ماۋسىمىندا پرەزيدەنت قۇقىق قورعاۋ سالاسىن كەشەندى جاڭعىرتۋعا باعىتتالعان «قازاقستان رەسپۋبليكاسىنىڭ ادام قۇقىقتارى سالاسىنداعى جەكەلەگەن ءىس-شارالارى تۋرالى» جارلىققا قول قويدى»، دەپ جازدى ەرلان قارين Telegram پاراقشاسىندا.

ونىڭ ايتۋىنشا، قازاقستانىڭ بۇۇ ادام قۇقىقتارى جونىندەگى كەڭەسىنىڭ جۇمىسىنا قاتىسۋى مەملەكەتتىڭ مۇنان ارى دا قۇقىق قورعاۋ ماسەلەلەرىنە نازار اۋدارا وتىرىپ، ادام قۇقىقتارىن قورعاۋ سالاسىنداعى وزگە دە كوپتەگەن پروبلەمانى مۇنان ارى وزەكتەندىرىپ، شەشۋگە سەپتىگىن تيگىزەدى.

سوڭعى جاڭالىقتار

ۇقساس جاڭالىقتار