ايماقتار • 15 قازان، 2021

وسكەمەندە ترامۆايلار توقتادى

58 رەت كورسەتىلدى

وسكەمەن قالاسىندا جاياۋ جۇرگىنشىنى قاعىپ كەتكەن كولىك سالدارىنان ترامۆاي رەلسى بوگەلدى، دەپ حابارلايدى Egemen.kz.

شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، جول-كولىك وقيعاسى بۇگىن تاڭەرتەڭ شاكارىم داڭعىلى مەن ستاحانوۆ كوشەسىنىڭ قيىلىسىندا بولعان.

«Mercedes» ماركالى اۆتوكولىكتى تىزگىندەگەن جۇرگىزۋشى رەتتەلمەگەن جاياۋ جۇرگىنشىلەر وتكەلىنەن ءوتىپ بارا جاتقان ادامدى قاعىپ كەتتى. جول اپاتىنان دەنە جاراقاتىن العان ازامات شۇعىل تۇردە اۋرۋحاناعا جەتكىزىلگەن. قازىرگى ۋاقىتتا وقيعانىڭ ءمان-جايى انىقتالۋدا»،  دەپ حابارلادى ۆەدومستۆو وكىلدەرى.

«Mercedes» كولىگى ترامۆاي رەلسىنە شىعىپ كەتكەن. سونىڭ سالدارىنان زاششيتا اۋدانىنان اباي داڭعىلى باعىتىنداعى قوعامدىق كولىكتەردىڭ قوزعالىسى توقتادى.

سوڭعى جاڭالىقتار

ۇقساس جاڭالىقتار