كەزدەسۋدە قازاقستان رەسپۋبليكاسى ۇكىمەتى مەن بۇۇ دب ىنتىماقتاستىعىنىڭ باسىم باعىتتارى تالقىلاندى.
كەزدەسۋ بارىسىندا پرەمەر-ءمينيستردىڭ ورىنباسارى ە. توعجانوۆ الەۋمەتتىك باعىتتىڭ, ونىڭ ىشىندە دەنساۋلىق ساقتاۋ, ءبىلىم بەرۋ جانە الەۋمەتتىك قامتاماسىز ەتۋ سالالارى بويىنشا ءوزارا ىنتىماقتاستىقتىڭ ماڭىزدىلىعىن اتاپ ءوتتى.
پاندەميا كەزىندە جۇرگىزىلىپ جاتقان بىرلەسكەن جۇمىسقا ەرەكشە نازار اۋدارىلدى. بۇۇ قولداۋىنىڭ ارقاسىندا زامانۋي مەديتسينالىق قۇرىلعىلارمەن جابدىقتالعان B ساناتىنداعى 5 جەدەل جاردەم ماشيناسى ساتىپ الىندى. COVID-19 ۆيرۋسىنىڭ تارالۋ قاۋپىنە شۇعىل دەن قويۋ جوباسى شەڭبەرىندە قازاقستان تاراپىنا 190 مىڭ مەديتسينالىق جيىنتىق (جەكە ءدارى قوبديشالارى) بەرىلدى. سپولياريچ ەگگەر حانىم قازاقستان ۇكىمەتىمەن دامۋدىڭ كەڭ سپەكترىندەگى, سونىڭ ىشىندە بۇۇ-نىڭ ورنىقتى دامۋ ماقساتتارىنا قول جەتكىزۋ بويىنشا قابىلدانىپ جاتقان شارالار بويىنشا ءوزارا تىعىز ءىس-قيمىلدى اتاپ ءوتتى. ول الەۋمەتتىك كودەكس جوباسىن ازىرلەۋ, قازاقستاننىڭ تسيفرلىق ترانسفورماتسيا, تابيعاتتى قورعاۋ قىزمەتىن باسقارۋ سالاسىنداعى كۇش-جىگەرى, جاسىل ەكونوميكاعا كوشۋگە ۇمتىلىسى بويىنشا جۇرگىزىلىپ جاتقان جۇمىستارىن جوعارى باعالادى.
تاراپتار ىنتىماقتاستىقتى ودان ءارى كۇشەيتۋدىڭ ماڭىزدىلىعىن جانە بۇۇ دب-مەن ۇلتتىق جانە جەرگىلىكتى دەڭگەيلەردە ەل دامۋىنىڭ باسىم باعىتتارى بويىنشا جۇمىستى جالعاستىرۋ نيەتىن اتاپ ءوتتى. ەگگەر حانىمنىڭ ايتۋىنشا, بۇۇ دب قازاقستانداعى نەگىزگى ترانسفورماتسيالىق ۇدەرىستەردى قولداۋدى جالعاستىرادى. ءىس-شاراعا شەتەلدىك تاراپتان يا. بەريش – قازاقستانداعى بۇۇ دامۋ باعدارلاماسىنىڭ تۇراقتى وكىلى, ۆ. ۆرەميش – قازاقستانداعى بۇۇ دامۋ باعدارلاماسىنىڭ تۇراقتى وكىلىنىڭ ورىنباسارى قاتىستى.
