«تۋريزم سەكتورى بىرلەسكەن قىزمەت ءۇشىن ۇلكەن پەرسپەكتيۆالارعا يە. ونى رەسەيمەن جۇزەگە اسىرىلعان سوڭعى تاجىريبە راستايدى. ءبىز وداققا مۇشە ەلدەردەن كەلگەن تۋريستەر ءۇشىن قولايلى ءارى تارتىمدى جاعداي جاساۋعا دايىنبىز. ول ءۇشىن كۋبانى ءارتۇرلى ارنالار مەن ايماقارالىق راديو, تەلەديدار جانە مامانداندىرىلعان باق پلاتفورمالارى ارقىلى تۋريستىك باعىت رەتىندە جىلجىتۋدى جانداندىرۋ قاجەت», دەدى ول.
ول اتاپ وتكەندەي, 15 قاراشادان باستاپ كۋبا حالقىنىڭ 90 پايىزدان استامى ۆاكتسيناتسيالانعان كەزدە شەكارا بىرتىندەپ اشىلادى.
«شەكارا بىرتىندەپ اشىلىپ, كەلگەن جولاۋشىلارعا ارنالعان سانيتارلىق-گيگيەنالىق حاتتامالار جەڭىلدەتىلەدى. جولاۋشىلاردان پتر-سىناماسى تالاپ ەتىلمەيدى. ۆاكتسيناتسيا تۋرالى سەرتيفيكات مويىندالادى. ءبىز رەسەي, بەلارۋس, قازاقستان, قىرعىزستان جانە ارمەنيادان كەلگەن قوناقتارىمىزدى, اعا-ىنىلەرىمىزدى قارسى الامىز», دەدى كۋبا پرەزيدەنتى.
