كوميسسيا جينالىسىنا قاتىستى

قازاقستان رەسپۋبليكاسى پارلامەنتى سەناتىنىڭ دەپۋتاتى سارسەنباي ەڭسەگەنوۆ پەن ءماجىلىس دەپۋتاتى سەرىكجان قاناەۆ باكۋ قالاسىندا وتكەن تۇركپا ەكونوميكا, ساۋدا جانە قارجى ماسەلەلەرى بويىنشا كوميسسياسىنىڭ ءۇشىنشى وتىرىسىنا قاتىستى. جيىندا «كولىك بايلانى­سى­نىڭ تۇركىتىلدەس ەلدەر ارا­سىن­داعى ەكونوميكالىق ىنتىماق­تاس­تىقتاعى ءرولى» تۋرالى بايان­داما تىڭدالىپ, تۇركپا-عا مۇشە ەلدەردىڭ پارلامەنتتەرى مەن ۇكى­مەت­تەرىنە ارنالعان ۇسىنىستار قا­بىلداندى. جينالىس بارىسىندا ءسوز العان سەناتور س.ەڭسەگەنوۆ پرەزيدەنت ن.نازارباەۆتىڭ بيىلعى جول­داۋى­نىڭ نەگىزگى ەرەجەلەرىمەن تانىس­تىردى. سونداي-اق, سەناتور قازاق­ستاننىڭ كولىك جانە ترانزيت الەۋەتىن ۇلعايتۋ شارالارى تۋرالى ايتا كەلىپ, قورعاس, جەتىگەن, وزەن – تۇركىمەنستان شەكاراسى تەمىر­جول تارماقتارىنىڭ ىسكە قوسىلعانىن جانە ۇزىندىعى 1200 شاقىرىم بولاتىن جەزقازعان – بەينەۋ تەمىرجول تارماعى مەن باتىس قىتاي – باتىس ەۋروپا مەملە­كەت­ارا­لىق تاس جول­­دىڭ قازاق­ستان­دىق بولىگىن سالۋ جۇمىس­تارىنىڭ الدا­عى ۋاقىتتا اياقتا­لاتى­نى تۋرالى حاباردار ەتتى. بۇل تۇرعىدا س.ەڭسەگەنوۆ كولىك قاتىناستارى سالاسىندا تۇركپا-نىڭ ساراپتامالىق الەۋەتىن كۇشەيتە وتىرىپ, تاياۋ بولاشاقتا ۇلگى زاڭدار قابىلداۋعا نازار اۋدارۋ قاجەتتىگى تۋرالى پىكىرىن ءبىلدىردى, دەپ حابارلادى سەناتتىڭ ءباسپاسوز قىزمەتى.