بىرلەسكەن شەشىم قابىلداندى

كەشە قارجى مينيسترلىگى كەدەندىك باقىلاۋ كوميتەتىندە قۇقىق قورعاۋ ورگاندارى ۇيلەستىرۋ كەڭەسىنىڭ كوشپەلى وتىرىسى بولىپ ءوتتى. وندا كونترابانداعا قارسى كۇرەستىڭ تيىمدىلىگىن ارتتىرۋ ماسەلەلەرى قارالدى. بۇگىنگى تاڭدا ەلىمىزدىڭ ەكونو­ميكالىق قاۋىپسىزدىگىن قامتاماسىز ەتۋ مەملەكەت تاراپىنان ەرەكشە باقىلاۋعا الىنىپ, بارلىق زاڭدى تالاپتاردىڭ ورىندالۋى ءۇشىن كەشەندى شارالار اتقارىلۋدا. اسىرەسە, قازاقستان رەسەي جانە بەلارۋس مەملەكەتتەرىمەن كەدەندىك وداققا مۇشە بولىپ ەنگەندىكتەن وسى وداقتىڭ وڭتۇستىك-شىعىس شەكاراسىن قورعاۋ ءبىزدىڭ ەلىمىزگە جۇكتەلىپ وتىر. سوندىقتان دا شەكاراداعى كەدەن بەكەتتەرىنىڭ ينفراقۇرىلىمىن جاقسارتۋ, سونداي-اق ولاردى جوعارى تەحني­كالىق قۇرالدارمەن جابدىقتاۋ ماقساتىندا ۇكىمەت تاراپىنان 16 ميلليارد 210 ملن. تەڭگە ءبولىندى. دەمەك, مۇنداي جاعدايدا العا قوي­ىلعان مىندەتتىڭ تالاپقا ساي ورىندالۋى ءۇشىن قۇقىق قورعاۋ ورگاندارى كونتراباندانىڭ وتۋىنە, قارۋ-جاراقتىڭ تاسىمالدانۋىنا, ەسىرتكى قۇرالدارىنىڭ زاڭسىز اي­نالىمىنا توسقاۋىل قويۋ ماقسا­تىندا بىرلەسىپ ارەكەت ەتۋى ءتيىس. مىنە, وسىعان وراي كەدەندىك با­قىلاۋ كوميتەتىندە باس قوسقان قۇ­قىق قورعاۋ ورگاندارىنىڭ ءبىرىنشى باسشىلارى اۋەلى شەكاراداعى باقىلاۋ ورگاندارىنىڭ قىزمەتىن, جۇكتەردىڭ ءوتۋىن جانە تاۋارلاردى جەتكىزۋدى رەتتەۋ ءۇشىن قۇرىلعان كەدەندىك باقىلاۋ كوميتەتىنىڭ جەدەل باسقارۋ ورتالىعىنىڭ (جبو) جۇمىسىمەن تانىستى. سونداي-اق, كەدەن ورگاندارىنىڭ جەكە قۇرا­مىنىڭ كەدەندىك رەسىمدەۋ جانە باقىلاۋ, كونترابانداعا قارسى كۇرەس, پوستكەدەندىك باقىلاۋ, اۋديت جانە ت.ب. جەلىلەرى بويىنشا بىلىك­تىلىگىن ارتتىرۋ ماقساتىندا قۇرىل­عان دۇنيەجۇزىلىك كەدەن ۇيىمىنىڭ وڭىرلىك وقۋ ورتالىعىن ارالاپ كوردى. قازىرگى ۋاقىتتا كەدەن ورگان­دارى مىندەتىن تالاپقا ساي اتقارىپ كەلەدى. وتكەن جىلى مەملەكەت قازىناسىنا 5 ملرد. 255 ملن. تەڭگە قۇيىلدى. ەندى جوعارىدا ايتىلعان­داي, قازاقستاننىڭ رەسەي جانە بەلارۋس ەلدەرىمەن كەدەندىك وداققا كىرۋى اياسىندا ەكونوميكالىق قاۋىپ­سىزدىكتى ودان ءارى نىعايتۋ جانە ءتۇرلى تاۋارلاردى زاڭسىز تاسىمالداۋدىڭ جولىن كەسۋ ماڭىزى ايرىقشا ارتا ءتۇستى. ال قۇزىرلى ورگاندار مەن ۆەدومستۆولار مەملەكەتتىك شەكا­رالاردى بەكىتۋ جانە كەدەندىك باقى­لاۋدى كۇشەيتۋ جۇمىستارىن ءبىر­كەل­كى دەڭگەيدە جۇرگىزۋدە. وسى وراي­دا ۇيلەستىرۋ كەڭەسىنىڭ ءمۇ­شەلەرى ۋاكىلەتتى جانە قۇقىق قورعاۋ ورگاندارىنىڭ نەگىزگى ماسەلە بويىنشا ءوزارا ءىس-قيمىل ارەكەتىنە وڭ باعا بەردى. سونىمەن قاتار, كونتراباندامەن كۇرەستىڭ تيىمدىلىگىن ودان ءارى ارتتىرۋ, شەكارانى ين­جە­نەرلىك نىعايتۋ جانە وتكىزۋ بەكەت­تەرىن تەحنيكالىق جابدىقتاۋ بوي­ىن­شا جۇمىستاردىڭ بەلسەندىلىگىن كۇشەيتۋ, جۇك تاسىمالىن جۇزەگە اسىراتىن ۇيىمدارمەن ۇيلەسىمدى ءىس-قيمىل ورناتۋدىڭ ماڭىزدىلىعى اتاپ كورسەتىلدى. ءماجىلىس بارىسىندا باس پرو­كۋرور قىرعىزستانمەن اراداعى شەكاراداعى ينجەنەرلىك بەكىتۋ قوندىرعىلارىنىڭ قۇرىلىسىن ۇستىمىزدەگى جىلدىڭ سوڭىنا دەيىن اياقتاۋ قاجەتتىگىنە نازار اۋدارىپ, جۇكتەردى كەدەندىك رەسىمدەۋ بارى­سىن­دا سىبايلاس جەمقورلىق كور­ى­نىس­تەرىن بولدىرماۋ ءۇشىن تۇبەگەيلى شارالار قابىلداۋدى تالاپ ەتتى. الەكساندر تاسبولاتوۆ.