بۇل تۋرالى Polisia.kz جازدى.
وسى جىلدىڭ ناۋرىز ايىندا ەكىباستۇز قالاسىنىڭ پوليتسەيلەرىنە جەرگىلىكتى تۇرعىنداردىڭ ءبىرى ەسىرتكى زاتتارىن الۋعا بارا جاتقانى تۋرالى جەدەل اقپارات ءتۇستى. سونداي-اق پوليتسەيلەرگە قالا تۇرعىنى قايدا كەتكەنىن حابارلادى.
«قاجەتتى ءىس-شارالاردى جۇرگىزۋ بارىسىندا ەكىباستۇز قالاسىنداعى مارعۇلان كوشەسىنىڭ كولىك جۇرەتىن بولىگىندە جەدەل ۋاكىلدەر اتالعان ايەل وتىرعان Mazda ماركالى اۆتوكولىكتى انىقتاپ, ۇستادى. جەكە ءتىنتۋ جۇرگىزۋ كەزىندە وندا جالپى سالماعى 8 896 گرامم بولاتىن «كەپتىرىلگەن ماريحۋانا» بار پوليەتيلەن پاكەتى تابىلىپ, تاركىلەندى, بۇل وتە ۇلكەن مولشەرگە جاتادى. وسى فاكتى بويىنشا قر قك 296-بابىنىڭ 4-بولىگى بويىنشا سوتقا دەيىنگى تەرگەۋ باستالدى. تەرگەۋ ەكىباستۇز قالاسى پوليتسيا باسقارماسىنىڭ تاجىريبەلى تەرگەۋشىسى دانيار داۋىتبەكوۆكە تاپسىرىلدى», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتى.
قازاقستان رەسپۋبليكاسى قك-ءنىڭ 296-بابىنىڭ 4-بولىگىنە سايكەس, سوتپەن ەسىرتكى زاتتارىن زاڭسىز ساتىپ العانى جانە ساقتاعانى ءۇشىن قالا تۇرعىنى ءۇش جىلعا باس بوستاندىعىنان ايىرىلدى.
ايتا كەتەيىك, بيىل پاۆلودار وبلىسىنىڭ پوليتسەيلەرى 106 ەسىرتكى قىلمىسىن انىقتادى.
