مەملەكەتتىك تاپسىرىس اياسىندا باسىلىپ شىققان كوپ تومدىققا جامبىل جاباەۆتىڭ وتكەن عاسىردىڭ باسىنان باستاپ ومىردەن وتكەنگە دەيىنگى بارلىق ولەڭدەرى, ايتىستارى مەن جىرلارى توپتاستىرىلعان. ودان بولەك, اقىن شىعارماشىلىعىنا قاتىستى عالىمداردىڭ عىلىمي ەڭبەكتەرى, اقىن-جازۋشىلاردىڭ ەستەلىكتەرى دە باسىلعان.
ج.جاباەۆتىڭ 175-جىلدىعىن اتاپ ءوتۋ جونىندەگى مەملەكەتتىك كوميسسيانىڭ توراعاسى قىرىمبەك كوشەرباەۆ, جىر الىبى جامبىلدىڭ حالقىمىزدىڭ رۋحاني دۇنيەسىندە قۋاتتى دا ومىرشەڭ جىرلارى ارقىلى وشپەس ءىز قالدىرعانىن اتاپ ءوتتى.
بۇل جارىق كورگەن 10 تومدىق جيناق جامبىل اقىننىڭ بۇكىل مۇراسى, ونىڭ ءومىرى مەن شىعارماشىلىعى تۋرالى ەستەلىكتەر مەن عىلىمي زەرتتەۋلەر ەنگەن تۇڭعىش تولىمدى باسىلىم رەتىندە جارىققا شىعىپ وتىر.
– Cوندىقتان دا بۇگىن تۇساۋى كەسىلىپ وتىرعان 10 تومدىق جيناق جامبىلتانۋعا قوسىلعان ۇلكەن ۇلەس, حالقىمىزدىڭ رۋحاني قازىناسىن مولايتقان ىرگەلى ەڭبەك دەپ ەسەپتەيمىن, – دەدى قىرىمبەك كوشەرباەۆ.
